Katersugaasivik aserortigiffigineqangaatsiarsimasoq
Tasiilap katersugaasiviani sulisut ullaaq suliartoramik takusaat nuannerpallaanngilaq. Katersugaasivimmi saqqummersitat unnuap ingerlanerani aserortinneqarsimapput.
Annonse
Tasiilami politit aserorterisoqarsimaneraik nal. arfineq-pingasunut nalunaarfigineqarput.
- Aserorterisoqangaatsiarsimavoq. Katersugaasivimmilli tillittoqarsimaneranik takussutissaqarpasinngilaq, tamannali qularnaarlugu suli oqaatigisinnaanngilarput, Tasiilap politiivini politkommissæriugallartoq Katrine Sandgreen Sermitsiaq.AG-mut ilisimatitsivoq.
Takunnissimasinnaasunik ujartuineq
Katrine Sandgreenip takunnissimasinnaasut tamaasa kaammattorpai politiinut takkullutik imaluunniit oqarasuaat 701224 aqqutigalugu saaffiginneqqullugit.
- Suli pasisaqanngilagut, soorunami suliaq pimoorullugu misissorparput, pisariaqartinneqartumillu killisiuijumaarluta, Katrine Sandgreen nassuiaavoq.