Skip to main content

Katersugaasiviit unammilligassarpassuallit

Nunatsinni katersugaasiviit kattuffiat, Nukaka, Nuummi ataatsimeersuarpoq katersugaasiviillu pisortaat ataatsimiillutik. Tamatumani paasinarsivoq katersugaasiviit aaqqissuussaanikkut aningaasaqarnikkullu annertuunik unammilligassaqartut

Kalaallit Nunaanni katersugaasiviit kattuffiata Nukakap Nuummi ataatsimeersuarnerata katersugaasiviillu pisortaasa ataatsimiinnerisa kingorna nuannaartoqarlunilu isumakuluttoqarpoq.

Tassami katersugaasiviit arlallit ukiuni kingullerni siulersuisuerussimapput aammalu kommunimi atorfillit katersugaasiviillu pisortaasa akornanni akisussaaffiup agguataarnera nalorninartoqartinneqarluni.

Tupattoq

Nunatta Katersugaasiviata Allagaateqarfiatalu pisortaa Daniel Thorleifsen katersugaasiviit pisortaasa ataatsimiinneranni tupatsitaasimavoq.

– Paasivara sumiiffinni katersugaasiviit pisortaat ajornartorsiuterpassuaqarlutillu unammilligassarpassuaqartut. Pingaartumik politikerinit ingerlatsivinnilu amerlanerpaani allaffissornikkut ingerlatsivinnit katersugaasiviit suliaannut paasinninngittoqarpallaarsimavoq, Daniel Thorleifsen oqarpoq.

Taanna oqarpoq katersugaasiviit kulturikkut kingornussanut takussaasunut takussaanngitsunullu akisussaasut, katersugaasiviillu siulersuisuisa pisortaasalu kingornussat attatiinnarnissaat siuarsarnissaallu, aammalu pigisat, aningaasatigut inuttullu atugassarisat ingerlannissaat akisussaaffigigaat.

Siulersuisoqanngitsut

– Allaammi paasivarput sumiiffippassuarni siulersuisoqarnanilu atuuttunik malittarisassaqanngitsoq. Tamanna aarlerinartoqarpoq, Nunatta Katersugaasiviata Allagaateqarfiatalu pisortaa oqarpoq.

Ukiuni kingullerni katersugaasiviit amerlasuut siulersuisuerussimapput, aammalu kommunimi atorfillit katersugaasiviillu pisortaasa akornanni akisussaaffiup agguataarsimanera nalorninartoqarsimalluni. Taamaattumik Nukaka katersugaasiviit aaqqissuussaanerat pillugu ulloq ilivitsoq isumasioqatigiissitsiniarpoq.

Katersugaasiviit kattuffiat allappoq katersugaasiviit pisortaat ukioq allortarlugu naapeqatigiittartut, taamaattumillu ataatsimiinnerni tamakkunani takummaasoqarluartartoq. Nuannerpoq piffiit ilaanni pisortaqarsimanani Qaanaami katersugaasivimmi, Ilulissani Kulturikkut Oqaluttuarisaanermut Katersugaasivimmi, Qaqortumi katersugaasivimmi Nuummilu Eqqumiitsulianik Katersugaasivimmi nutaanik katersugaasivilerisunik inoqalersimammat.

Assit ataani takukkit

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER