Katersugaasiviit ulluat Nuummi nalliussineqassasoq

Nuummi Eqqumiitsulianik Saqqummersitsivik, katersugaasiviit ulluannut atatillugu eqqumiitsuliorluni erfalasuliamik amusissaaq eqqumiitsuliortunillu marlunnik naapeqateqassalluni.

Ataasinngorneq maajip 18-iat tassaavoq Katersugaasiviit Ulluat, tamannalu Nuummi Eqqumiitsunilianik Saqqummersitsiviup nalliussiniarpaa. Ukioq manna ullorsiornermi qulequtarineqassaaq, ”Katersugaasiviit naligiissusermut: Assigiinngisitaarneq aamma akuutsisineq”, katersugaasivimmit tusagassiorfinnut nalunaaruteqarnermi oqaluttuarineqarpoq.

Katersugaasivik ullup-qeqqanut ullormik malunnartitsilluni aallartissaaq, tassani eqqumiitsuliorluni erfalasuliaq Holmip Illuani , Nuutoqqap eqqaaniittumi amuneqassaaq.

Eqqumiitsuliortoq Jacob Borges erfalasumik suliaqarsimavoq, erfalasoq erfalasuliat arfinillit siullersaattut 2020-mi Holmip illuani amuneqassaaq.

Ullormi kingusinnerusukkut, tassa ualikkut pingasut arfernullu akornanni eqqumiitsuliortut marluk Nuummi Eqqumiitsulianik Saqqummersitsivimmi naapinneqarsinnaapput. Taakku tassaapput Paninnguaq Lind Jensen aamma Paarma Brandt, eqqumiitsuliaminnik taasimasamminnik, ”Inuunitta nalaan i”, saqqummersitsissapput.

Iserneq akeqanngitsoq

- Paninnguaq Lind Jensenip assit aamma Inuit kakiorneri pillugit video saqqummersissavaa. Paninnguaq Lind Jensenip Kalaallit Nunaanni Inuit kakiornerinik uummarissaqqiisut ilagaat. Kakiornerit inuiaassutsimik ersersitsisuupput, Inuttullu kinaassusermik tiguaaqqinnertut illutik .

- Paarma Brandtip eqqumiitsuliaa ”Mission fuldført?” kalaallit qallunaallu kultuurikkkut naapinnerannut tunngavoq, ullutsinnilu kultuurit akornanni atassutinik nassaassaqarneranut tunngalluni. Atassutit ujalussianik aappaluttunik ilusilersorsimavai , Nuummi Eqqumiitsulianik Saqqummersitsivik allappoq.

Peqataaneq akeqanngilaq, piumasullu tamarmik Katersugaasiviit Ulluanni peqataanissamut tikilluaqusaallutik .

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS