Katersugaasiviit toqqorsivii ajorluinnartut

Avannaata Kommunia illutoqqanik toqqorsivinnillu, katersugaasiviit katersuiffigisartagaannik aserfallatsaaliinissamut akissaqanngilaq.

3.4 millioner koruunit.

Taamak annertutigisut – imaluunniit taamak annikitsigisut – Avannaata Kommuniata atorlugit katersugaasiviit tallimat ingerlanneqarnissaannut katersugaasivinnilu sulisut qulingiluat aningaasarsiaqartinneqarnissaannut atortarpai.

Aviisi AG taamatut allappoq.

Aserfallatsaaliinissamut imaluunniit asiunaveersaartitsinissamut aningaasat atorneqarsinnaasut amerlavallaanngillat. Tamatuma kinguneranik toqqorsiviit asiulluinnarsimapput. Ilulissani tamanna atugaavoq, Ilulissat Katersugaasiani pisortaq oqarpoq.

- Toqqorsivippu atuagaateqarfippullu aserfallalluinnarsimapput. Taakku marluullutik erngup kuunneranit ajoquserneqarsimapput, taamaammat taakkunani toqqortaativut immikkut ittumik eqqumaffigisariaqarpavut. Tamatuma saniatigut atortoqanngilagut toqqorsivitsinni atugaateqafitsinnilu kiassutsimik aqutsisinnaasumik, nillataartoq kiassuserlu aalajangersimasoq pitsaanerpaapput atussallugit. Taamaalilluni taakku iluini silaannaq ajortittarpoq kiisalu ukiukkut nillerpallaartarlutik aasakkullu kiappallaartarlutik, taamaammat silaannaap kiassusiata allanngorarpallaartarnera toqqorsivitsinnut atuagaaeqarfitsinnullu ajorluinnartarpoq, Anja Reimer AG-mut oqarpoq.

Avannaata Kommuniani borgmesterip Palle Jeremiassenip unammilligassat ilisimalluarpai.

- Katersugaasiviit politikkikkut eqqumaffigineqarsimanngillat. Ajornartorsiuterput, kommuninit allanit aamma ilisimaneqartoq tassaavoq, illutoqaativutm toqqorsiviutivut katersukkalluunniit aserfallatsaalineqarnissaannut akissaqannginnerput, Palle Jeremiassen oqarpoq.

Powered by Labrador CMS