Kate Ukrainemeersoq: Kalaallit Nunaat eqqissinarpoq
Atisalianik assiliisartumut Kate Velviamut Kyivimeersumut Kalaallit Nunaanniinneqoqiliallaataavoq, naak nunagisaani sorsuttoqarneranik eqqarsaatit iperaruminaakkaluartut.
- Uiga oqarfigaara eqqaamanagu kingullermik maanituut taamma eqqissisimatigigama. Kate (Kateryna) Velvia ullut ilaanni maajimi AG-mit naapipparput, Kalaallit Nunaanni maannamut qimaasoq siulleq kisiartaasorlu Ivan Dumanov Ukrainemi sorsunnermi toqutaasimasup paasineqarneraniit sapaatit akunneri marlussuit qaangiummata.
Kate Velvia arnaavoq inuusukaaq 1983-imi inunngortoq Kyivimilu peroriartorsimasoq. Uiata Airbusini qulimiguulinnik immikkut ilisimasaqarluni sulinerata Kalaallit Nunaaliartippaa, Nuummi sapaatit akunnerini marlunni takornariartillugu, ulluunerani uia Frankrigemeersoq Air Greenlandimi sulinerani ingerlatseqatigiiffiup qulimiguuliutai Airbusit nutaat pillugit timmisartunik iluarsaasartut ikiorlugit. Kate ullumikkut Frankrigimi najugaqarpoq.
Inuiaat inussiarnersut
Taamaalilluni Kate Velviamut nuannernerungaarpoq Kalaallit Nunaanni
eqqissinartumiinnissaq, pinngortitarsuaq amerlanerpaanit unnersiutigineqartarluni.
Katemulli assiliisartumut inuit alutornarnerupput.
Isumaqarporlu nunami maani ajorniartoqanngitsoq:
- Maani ajorniartoqarneranik malunnartoqanngilaq. Kikkut tamarmik niuertarfinni
naammagittarlutik utaqqisarput. Inussiarnertuinnaasut takusarpara.
Nuummi angalaarnermini meeqqat pinnguartarfinni pinnguarusaartut takusarpakka. Timaasa oqariartuutaanni taama paasivara.
Nuummi pisuttuartarnermini aamma illoqarfimmi meeqqat maluginiartarsimavai.
- Nuummi angalaarnermini meeqqat pinnguartarfinni pinnguarusaartut takusarpakka. Timaasa oqariartuutaanni taama paasivara.
Kate Velvia naapertorlugu Sovjetunioniusimasumi kunngitsuuffiusimanerup kingunerisa
ilagaat inussiarnissuseq inuit sanngiitsuunermut paasisarmassuk. Takussutissaq taamaattoq
ingammik utoqqaanerusuniippoq. Taamaattumik immaqa maani nunami ilaassiorneq
maluginiarneruaa:
- Kalaallit Nunaanni nuannarilluinnarpara inuit inussiarnernerat, ikiuukkumatussusaat
taamaannissartillu qunuginagu. Sanngiinnerunngilaq. Nukiuvoq.
Kate Velvia pillugu oqaluttuaq tamaat aviisimi AG-mi sapaatip-akunnerani matumani saqqummersumi atuaruk. Ugguuna iserfigisinnaavat: