Skip to main content

Karl-Kristian Kruse: Tigussaasumik suli isumaqatigiinniartoqalinngilaq

Taamaattorli Demokraatit naalakkersuisooqatigiinni ilaalissallutik kissaatigissagunikku, taava matu ammavoq, taamak erseqqissaateqarpoq Siumup siulittaasuata tullia aammalu Inatsisartuni gruppiata siulittaasua, Karl-Kristian kruse

Politikkikkut assigiinngitsunik allannguutaasunik pisoqarsinnaavoq Inatsisartut upernaakkut ataatsimiinnerat pisarnermit sivikinnerungaatsiartoq tallimanngormat aallartittoq ilutigalugu. 

Sermitsiaq.AG-ip sapaatit akunneri marluk qaangiummata erseqqissisippaa Demokraatit naalakkersuisooqataalersinnaanissaminnut periarfissanik misissuisut. Nivi Olsen tassani apersorneqarnermini isertuanani ilumoorneraavoq partiip naalakkersuisooqataalersinnaaneranut misissuinerit ingerlanneqartut.

Naalakkersuisooqatigiit katitigaanerisa allanngortinneqarsinnaanera pillugu naalakkersuisooqatigiinnermut isumaqatigiissummi tapiliussatullu isumaqatigiissummi allaganngorlugu naqissuserneqanngilaq tamanna pissaguni qanoq pissanersoq, taamaattorli naalakkersuisooqatigiinnermut isumaqatigiissutip 2. oktober 2018 atuutilersinneqartup isumaqatigiinniutigineqarnerani illuatungeriit oqaasiinnartigut isumaqatigiissuteqarput naalakkersuisooqatigiinnerup katitigaanera allanngortinneqassasoq kissaatigineqassappat, taava matu ammatinneqartoq, taamaalillunilu naalakkersuisooqatigiit Demokraatinik ilallutik naalakkersuinikkut ingerlatsilersinnaanerat periarfissaatinneqarluni:

- Siumup, Nunatta Qitornaasa aamma Demokraatit ilaasortaasa akornanni tupaallaatigineqarsinnaanngilaq naalakkersuisooqatigiilernissaq sulissutigalugu alloriartoqassappat. Illuatungeriimmi ilisimavaat matu ammatinneqartuaannartoq angusaqarniarluni isumaqatigiinniarnerit aallartinneqarnissaannut, tamanna illuatungeriit kissaatigissappassuk, Karl-Kristian Kruse erseqqissaavoq. Taamaattorli aamma taassuma ingerlaannaq naqissuserpaa tigussaasumik suliniuteqartoqalinngitsoq taamatut alloriarnissamut.

Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER