Skip to main content

Karl-Kristian Kruse naalakkersuisunngoqqittoq

Siumumi politikeri aalisarnermut naalakkersuisunngoqqissaaq. Vittus Qujaukitsup akisussaaffii Hans Enoksenip aamma Suka K. Frederiksenip avissavaat

Karl-Kristian Krusep aalisarnermut piniarnermullu naalakkersuisutut tunuarneranit ukioq ataasiunngitsoq qaangiuppoq. Maanna tassani naalakkersuisunngoqqippoq.

Tamanna naalakkersuisoqatigiinni annerusumik nikittoqarnerata kingorna pivoq, tamanna Vittus Qujaukitsup Naalakkersuisunit tunuarneranit aamma Martha Lund Olsenip soraarsitaareerneranit kinguneritinneqarpoq.

Hans Enoksenip (PN) Vittus Qujaukitsup akisussaaffigisimasaata affaat akisussaaffigilerpai, tassa inuussutissarsiornermut, suliffeqarnermut, niuernermut aamma nukissiornermut naalakkersuisunngoruni. Taamaalilluni aalisarnermut naalakkersuisuuffik inuttaaruppoq.

Suka K. Frederiksen (S) nunanut allanut tunngasunut naalakkersuisuuffik akisussaaffigilissavaa, tamatuma saniatigut namminersulivinnissamut nunalerinermullu naalakkersuisuussaaq.

Avatangiisinut pinngortitamullu naalakkersuisuuffiit Kim Kielsenip akisussaaffigilissavai.

Siornatigut oqaatigineqareersutut Martha Lund Olsenip akisussaaffigisimasai, kommuninut, nunaqarfinnut, isorliunerusunut, attaveqarnermut ineqarnermullu naalakkersuisuuffik Erik Jensenip (S) tigussavaa.

Naalakkersuisut tamakkiisut ima inissipput:

Kim Kielsen (S): Siulittaasoq, avatangiisinut pinngortitamullu 

Sara Olsvig (IA): Isumaginninnermut, ilaqutariinnut, naligiissitaanermut inatsisinillu atuutsitsinermut naalakkersuisoq

Hans Enoksen (PN): Inuussutissarsiornermut, suliffeqarnermut, niuernermut nukissiornermullu naalakkersuisoq 

Aqqaluaq B. Egede (IA): Aningaasaqarnermut akileraartarnermullu naalakkersuisoq for finanser og skatter

Agathe Fontain (IA): Peqqissutsimut nunanilu avannarlerni suleqatigiinnermut naalakkersuisoq for sundhed og nordisk samarbejde

Doris Jakobsen (S): Ilinniartitaanermut, kultureqarnermut, ilisimatusarnermut ilageeqarnermullu

Suka K. Frederiksen (S): Namminiilivinnissamut, nunanut allanut aamma nunalerinermut naalakkersuisoq for selvstændighed, udenrigsanliggender og landbrug

Múte B. Egede (IA): Aatsitassanut naalakkersuisoq

Erik Jensen (S): Kommuninut, nunaqarfinnut, isorliunerusunut, attaveqarnermut ineqarnermullu naalakkersuisoq

Karl-Kristian Kruse (S): Alisarnermut piniarnermullu naalakkersuisoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER