Skip to main content

Karl Frederik: Mittarfiliornerit niuernikkut peqqissuupput

Ineqarnermut Attaveqaqatigiinnermullu Naalakkersuisoq Karl Frederik Danielsen (S) isumaqarpoq, KAIR-ip Nuummi Ilulissanilu mittarfiliornermut atatillugu missingersuutinik sinniisoqarnissaanik takunnissinnaallunilu immikkut 900 mio. koruuninik taarsigassarsiniarnera piffissaagallartillugu iliuuseqarnerusoq.

Sanaartornermut Ataatsimiititaliaq isornartorsiuigaluartoq aamma Nuummi Ilulissanilu mittarfiliornermut aningaasaliissutit 30 procentimik qaffaaneqartussaagaluartut, Naalakkersuisoq Karl Frederik Danielsen pisumut atatillugu toqqissisimavoq.

- Annilaangasoqartoq paasilluarsinnaavara. Tassami ANINGAASARPASSUIT atorlugit matumani sulisoqarpoq, taamaattumillu annilaangassuteqarneq pissusissamisoorluinnarpoq. Allatut isumaqartoqassappat tamanna akisussaassuseqannginneruvoq, Karl Frederik Danielsen tusagassiorfinnut nalunaaruteqarluni allappoq.

Kalaallit Airports Internationalip Nuummi Ilulissanilu mittarfiliornermut atatillugu niuernermut aningaasalersuinermullu pilersaarummik nutarterisimanera pillugu Naalakkersuisuoqarfik Naalakkersuisunut ilisimatitsissutissammik suliaqarsimavoq.

- Taanna Naalakkersuisunut saqqummiunneqareerpat, ilisimatitsissummik Aningaasaqarnermut Akileraartarnermullu Ataatsimiititaliamut kiisalu Sanaartornermut Ataatsimiititaliamut ilisimatitsissummik nassiussisoqassaaq.

Peqqissumik niuerneq

Karl Frederik Danielsenip tusagassiorfinnut nalunaaruteqarnermini oqaatigaa, suliassat suli niuernikkut peqqissorujussuartut naliliiffigineqarsimasut. Tamatuma kingunerisaanik COVID-19 peqqutaalluni ilaasussat amerlassusii tunngavigalugit, kiisalu sanaartornerni kinguaattoorutissat nalornissutigineqaraluartut, siunissami sinneqartuungaatsiarnissamut tunngavissaqartoq.

- Nuummi Ilulissanilu mittarfiliortiternerit 2018-imi missiliukkanut naleqqiullutik akisunerussasut naatsorsuutigineqarpoq, tamannali niuernermut aningaasalersuinermullu pilersaarummut isumannaatsumut, 2021-mi naatsorsuiffigeqqinneqartumut nikisitsinngilaq, Karl Frederik Danielsen oqarpoq.

Karl Frederik Danielsen naapertorlugu, immikkut 900 millioner koruuninik taarsigassarsiniarnermut pissutaavoq, Kalaallit Airports Internationalip 2020-ip ingerlanerani suliassanut suli neqerooruteqartitsivigineqanngitsunut missingersuutinik iluarsaassisimanera.

-Tassalu Kalaallit Airports Internationalip piffissaagallartillugu niuernermut aningaasalersuinermullu pilersaarut, aningaasartuuteqarnerusoqassanersoq, kiisalu aningaasartuuteqarnerusoqassappat aningaasalersuisoqarsinnaassanersoq pillugu nassuiaateqarfiusoq nutarterpaa, naalakkersuisoq erseqqissaavoq.

Loven tager højde for flere lån

Taassuma ilisimatitsissutigaa, Kalaallit Airports taarsigassarsisinnaanera siunnerfiujuarsimasoq sanaartornermullu inatsit innersuussutigalugu, tassani allassimammat, Naalakkersuisut Inatsisartut Aningaasaqarnermut Akileraartarnermullu Ataatsimiititaliaannit akuerineqarlutik avataaniit Kalaallit Airports A/S-imut taarsigassarsititsisunut qularnaveeqqusiinissamut, imaluunniit tassunga taarsiullugu nunani tamalaani mittarfinnut aningaasalersuinissamut nunap karsianut taarsigassarsinissamut, aammalu aningaasanik taakkuninnga Kalaallit Airports A/S-imut taarsigassarsititseqqinnissamut piginnaatinneqartut.

- Nunap karsianiit taarsigassarsititsinissamut qularnaveqqusiinissamut najoqqutassiornissaq suli tikinngilarput. Naatsorsukkani tamani takutinneqarpoq, niuernermut pilersaarut isumannanngitsoq, tassanilu sanaartornermut inatsit, pissutsinik allaaserinnilluarfiusoq innersuussutigeqqissavara.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER