Skip to main content

Karateklub qitequtinik agguaassisoq

Karatertartut klubbiat Nuuk Shotokan Karate-Do meeqqanut inersimasunullu qitequtinik qulingiluanik agguaasseqqammerpoq.

Nuuk Shotokan Karate-Do qitequtinik sungaartunik sisamanik, tunguusanik pingasunik kajortunillu marlunnik agguaassisimavoq. 

- Peqatigiiffittut anguniagaraarput, ilinniartuutitta sungiusarnerminni peqqissumik kajumissuseqartitsisumillu avatangiiseqarnissaat. Ilinniartuutivut timersuutigisaminnut malinnaalluarnermikkut, sapiissuseqarnermikkut kajumissuseqarluarnermikkullu qernertumik qitequtitaarnissaat anguniagaraarput. Ilinniartuutittat imminnut naleqartilernissaat, ikinnguterpassuaqalernissaat minnerunngitsumillu pissuserissaarnissamik ilikkagaqarnissaat sulissutigisarparput, klubbi tusagassiorfinnut nalunaaruteqarnermi allappoqe.

Ilinniartuutivut misilitsinnerminni klubbimi qaffasinnerpaamik angusaqarsimasunit pingasunit malinnaaffigineqarlutik misileraassapput. Inuppassuit taamatut nakkutigineqarlutik misilitsinneq killissamik qaangiinertut isigisarpaat.

- Misigisimavarput taamatut misilitsittoqartarneratigut, inuusuttut atuarfimmit soraarummeernerminni angusarissaarnerusartut aamma imminnut tatiginerulersartut, klubbi allappoq.

Karate - inuuneq naallugu ilinniagassaq

- Inuusuttunngikkaluarluniluunniit isigineqarluni misilitsinneq unammillernarsinnaavoq. Ilinniartuutitta inersimasut arlallit oqaatiginikuuaat, misilitsilernerminni aatsaat taamat annilaangatigisimallutik. Inuunermi ilikkagassaqartuannartoq aamma kukkujuitsuunani paasillugu pitsassuuvoq. Karate inuuneq naallugu ilinniagassaavoq. Nutaanik ilikkagassaqartuaannarpoq, aamma ukiorpassuarnik qernertumik qitequteqarsimagaluaraanniluunniit, nalunaarummi allassimavoq.

Japanimiut unammiaarnermi timersuutaat, Shotokan Karate-Do, sungiusarneqartarpoq.

Klubbimit nalunaarutigineqarpoq, ilaasortassanik nutaanik ilanngussiuiaannarlutik.

Klubbi pillugu paasisaqarnerugit, uku aqqutigalugit: www.shotokan.gl imaluunniit Facebookikkut ”Nuuk Shotokan Karate-Do”.

Graffiti MasterClass maani eqqumiitsuliortut illorsuit iigaanni eqqumiitsuliorlutik aallartiaalersut
Immaqa siunissami illoqarfimmi illorsuit ilaanni eqqumiitsulianik takusaqartalissaatit. Maani eqqumiitsuliortut graffitikultur-MasterClass illorsuit igaanni eqqumiitsuliorneq ingerlatarisimavaat,...
Kommunit tamarmik isumaqatigiipput: Ulloq atualeqqaarfik maleruaqqusaqassaaq
Aasaanerani atuanngiffeqareernerup kingorna aggustip qaammataata qiteqqunnerani kommunini tamani pissusissamisut atuartut isaanissaannut sianeq sianertinneqassaaq. Taamaakkaluartoq ulloq...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER