Kapisilinnut arpattoqarnerani politiit nakkutilliissapput
Imigassartorsimallutik umiatsiamik angalasut, aamma isumannaallisaanermut atortunik atuineq kiisalu weekendip Nuuk-Kapisillit Tourimi Kapisilinni eqqissisimatitsiniarlutik politiit nakkutilliiniarput
Ulluni 8.-10. juuli arpattoqarnerani, ”peqataasut isumannaatsuunissaat qulakkeerniarlugu politiit amerlasuut najuutissasut”, politiit nalunaarutigaat.
- Politiit aaqqissuisoqarnerani eqqissisimatitsinissap isumannaallisaanerullu ukkatarinerisa saniatigut umiatsiat angallatillu allat piffissami tassani nakkutiginiarpaat, politiit tusagassiuutinut nalunaarummi nassuiaapput.
Politiit ilaatigut imigassartorsimallutik angalasut ingammik nakkutiginiarpaat, umiatsiamillu angalasut annanniutinik vestinik isumannaallisaanermut atortunik isumannaallisaanermullu atortut allat, soorlu GPS, VHF eqqortumik atorneqarnersut nakkutigissavaat.
Imigassartorsimallutik angalasut annanniuteqannginnerlu
Siorna imigassartorsimallutik angalasut paasineqarput, Kapisillit Festivalimi Nuummiit Kapisilinnut arpannermut atatillugu aaqqissuussami, peqataasut 110 kilometerit imaluunniit 40 kilometerit arpannermik toqqaaffigisinnaasaanni umiatsiaaqqani imaluunniit umiatsiani annanniutinik vesteqannginneq pillugu sulianik pingasunik aallartitsisoqarpoq.
Nuummiit Kapisilinnut arpanneq ukiut arfineq-marluk tulleriisiinnarlugit ingerlanneqalerpoq.
Imaatigut angalasut nakkutiginerisa saniatigut politiit sumiiffimmi ATV-t akornusersuinnginnissaat nakkutiginiarpaat, kiisalu qamutit eqqortumik nalunaarsorneqarsimanersut misissorlugit, politiit tusagassiuutinut nalunaarummi ilisimatitsipput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...