Skip to main content

Kanukokap Sermersooq qinnuigaa: Kalaallit Nunaanni ataatsimooqatigiinnermit aninak

Kommuneqarfik Sermersuup kattuffimmit aningajalernerani kommuneqarfiit kattuffiata Kanukokap Kommuneqarfik Sermersooq nagggataajusumik qinnuteqarfigaa ilaasortaaginnaqqullugu

Naluneqanngitsutut Kommuneqarfik Semersuumi kommunalbestyrelsi aalajangernikuuvoq kommuni 2016-imi januaarip aallaqqaataaniit kommuneqarfiit kattuffiannit Kanukokamit aniniarluni.

Kommuneqarfiilli kattuffiata illoqarfiit pingaarnersaata kommunia allakkatigut ammasutigut ilaasortaaginnarnissaanik naggataajusumik qinnuvigaa.

– kommuneqarfik Sermersuup kommunini ataatsimooqaatigiiffimmit aninialersaarnera allaffissornermit isigalugu kommunimi innuttaasunut erloqinartorujussuussaaq, Kanukokap siulittaasua Palle Jeremiassen (S) oqarpoq.

Ilumoorullugu

Siulittaasup erseqqissarpaa tamanna aalajangerneq pitsaanngitsuusoq, ataatsimut isigalugu Kalaallit Nunaannut aammalu kommunimi innuttaasunut.

– Tamaattumik naggataajusumik kommuninit allanit Sermersuumut pimoorulluinnarlugu qinnutigissavarput: Kalaallit Nunaanni ataatsimooqatigiinnermiiginnaritsi, taanna allappoq.

Kanukokap tikkuarpaa Kommuneqarfik Sermersuup kinguneqaatissatut allattorsimasai naammanngitsut.

– Tassami Kanukokamit anineq tassaaginnanngilaq peqatigiiffimmut ilaasortaajunnaarneq. Siullerpaamik tassaavoq inuiaqatigiinni sammisassanut annertuunut sunniuteqarnissamut innuttaasut sinnerlugit imminut mattunneq.

Sunniuteqarnini annaassavaa

– Akissarsianut atorfeqarnermilu atugassarisanut isumaqatigiinniarnerit, nunap aningaasaqarnera ataatsimut ataqatigiinnissaa eqqarsaatigalugu, kommunit sinnerlugut Kanukokap ingerlattarmagit tamatumani Kommuneqarfik Sermersuup sulisuminut tusintilikkaanut isumaqatigiinniarnerni piumasaqaateqarnissani angusaqarnissanilu annaassavai, Kanukoka oqarpoq.

Erseqissarneqarpoq kommuneqarfiit namminersorlutik oqartussallu isumaqatigiissutigisimagaat inuiaqatigiinni isumaqatigiinninniariaasit pisassasut kttuffinnik isumaqatigiinniarnikkut, ilaasortanik ataasiakkaanik pinnani, tamatumuunakkut qulakkeerniarlugu inuiaqatigiinni ataqatigiinnerup attatiinnarneqarnissaa.

Siunnersortit avataaneersut

– Kanukokami akunnerit atorneqartut agguataarnerat qiviaraanni takuneqarsinnaavoq Kommuneqarfik Sermersooq siunnersortinut ukiumjutd akunnernik 4.680-inik atuisartoq. Akunnerit tamakkua kommunip taartissarsiussavai nammineq isumagalugit imaluunniit avataanit ikiortissarsiorluni, siulittaasoq allappoq.

Taassuma naatsorsorsimavaa kommuni kattuffimmit aninermini sullinneqarnikkutd annaasatigut 1.411.000 koruuninik aningaasartuuteqarnerulissasoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER