Skip to main content

Kanukoka: Nalingiissaareriaaseq tulluarunnaarpoq

Kommuunit kattuffiat isumaqarpoq nalingiissaareriaaseq, ukiorpassuarni atorneqarsimasoq, ullumikkut inuiaqatigiittut aaqqissuussaanitsinnut tulluarunnaarsimasoq

Nunarput ukiumi nutaami aammalu ukiuni aggersuni annertuunik unammilligassaqarpoq.

Inatsisartuni amerlanerussuteqartut juulli sioqqutitsiarlugu 2015-imut aningaasanut inatsisaangallartussaq, ilaatigut Naalakkersuisunut kommuuninut aningaasaliissutinik 2015-imut agguaanissaannut pisinnaatitsisoq, akuersissutigaat.

Taamatorpiarlu pisoqarnissaa kommuunit kattuffiannit Inatsisartunut siunnersuutigineqarsimavoq.

Nalingiissaareriaaseq tulluukkunnaartoq
Kommuunit kattuffianni Kanukokami siulittaasoq Martha Abelsen ukiortaami oqalugiaammini allappoq inoqarfiit tamarmik assigiinngitsunik atugassaqartitaasut, taamaattumillu inuiaqatigiinni aningaasartuutit nammaqatigiinnikkut ingerlanneqarnissaat pisariaqartoq. 

- Naligiissaarineq ukiorpassuarni atorneqarsimasoq ullumikkut aaqqissugaanitsinnut tulluukkunnaarsimavoq taamaattumillu toqqammavissanik ersarissunik aallavilimmik aningaasalersueqatiigiinnissaq pisariaqarluni. Kanukokamiit toqqammavissat ersarissut suliarineqarnissaat peqataaffigaarput ukiullu nutaap ingerlanerani aalajangertoqarsinnaaneranut tunngavissat pitsaasut qulakkeerneqarnissaat qanimut suleqataaffigissallutigu. 

Akiliisitsiniariaatsip nalilersorluarneqarnissaa kaammattuutigaa
Tamatuma saniatigut Martha Abelsen isumaqarpoq pisortanut akiitsoqarneq nunatsinni annertuallaartoq. 

- Kanukokamiit akiliisitsiniariaatsip nalilersorluarneqarnissaa kaammattuutigissavarput. Kommunit annerusumik akisussaaffeqartinneqarnerat pisuffaaffilerneqarnissaallu pisariaqarluinnarpoq, taakkuummatami ulluinnarni innuttaasunik sullissinermut qaninnerpaat. 

- Akiitsut qaffakkiartornerat unitsittariaqarparput, aammalu kikkulluunniit nutaamik akiitsoqalersinnaanerat pinaveersimatittariaqarparput. Kommunit tamatumunnga piareersimapput aammalu Namminersorlutik Oqartussanik qanimut suleqateqarnissamut piareersimallutik, Martha Abelsen ukiortaami oqaaseqaammani ilaatigut taama allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER