Skip to main content

KANUAANA: Aalisartut pillaammik akiliisinneqarsinnaasut

Kalaallit Nunaanni Aalisarsinnaanermut Akuersissutinik Nakkutilliisoqarfiup (KANUAANA) angallatinik piginnittunut inuussutissarsiorluni aalisarneq pillugu aningaasaqarnerminnik paasissutissanik nalunaaruteqarsimanngitsunut allakkat eqqaasitsissutit 217-it nassiussimavai. Nalunaaruteqannginneq akiligassinneqarnermik kinguneqarsinnaavoq, Namminersorlutik Oqartussat allapput.

Kalaallit Nunaanni Aalisarsinnaanermut Akuersissutinik Nakku­tilliisoqarfik, inuussutissarsiutigalugu aalisartut aalisarnermillu ingerlatsisut 6 meteri sinnerlugu angissusilinnik angallatillit nalunaarutaannik ikippallaanik tigusaqarsimavoq.

KANUAANA taamaammt angallatinik piginnittunut eqqaasitsissutitut allakkanik katillugit 217-inik nassiussisimavoq, Kalaallit Nunaanni Aalisarsinnaanermut Akuersissutinik

Nakku­tilliisoqarfik tusagassiorfinnut nalunaaruteqarnemi ilisimatitsivoq.

Inuussutissarsiutigalugu aalisartut aalisarnermillu ingerlatsisut angallatip tamakkiisumik takissusaani 6 meteri sinnerlugu angissusilinnik angallatillit tamarmik nunamilu aalisak­kanik tunisassiorfiit tamarmik qaammatisiutit malillugit ukiup siuliani aningaasaqarnermi paasissutissanik arlalinnik KANUAANA-mut ukiut tamaasa nalunaaruteqartassapput.

- KANUAANA nalunaarutinik ikittuaraannarnik tigusaqarpoq, taamaammallu

nalunaarute­qarnikuunngitsunut allakkanik eqqaasitsissutinik nassiussaqarluni.

KANUAANA-p ilisimatitsissutigissavaa 26. juli 2020 nallertinnagu nalunaaruteqarto­qarsimanngippat KANUAANA-p angallatinik piginnittut politiinut unnerluutigissagai, inassuteqaateqarlunilu inunnut 2000 kr.-nik suliffeqarfinnullu 5000 kr.-nik pillaammik akiliisitsisoqassasoq.

- Aamma 2019-imi nalunaaruteqartoqarsimanngippat KANUAANA-p nalunaaruteqarto­qartannginnera pissutigalugu inassuteqaatigissavaa pillaammik akiligassaq inunnut 5000 kr.-ussasoq suliffeqarfinnullu 10.000 kr.-ussasoq, Namminersorlutik Oqartussat allapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER