Skip to main content

Kangiata illorsuassaata aqqutaa isornartorsiorneqartoq

Ilulissat kangiata illorsuassaanut aqqut amitsoq pisuinnarnut isumannaatsuunngilaq, ataatsimullu isigalugu sumiiffik nungullarsimarpasittoq kusassarneqarsinnaagaluarpoq. Illoqarfiup takornariartarfianut nutaamut kommuni iluameersunik iserfissanik qulakkeerinnissimannginnera Ilulissani innuttaasup isornartorsiorpaa.

Sapaatip-akunneri arlaqanngitsut qaangiuppata Ilulissat kangiata illorsuassaa ammassaaq. Illorsuaq kusanartoq 152 millioninik akilik, Avannaanut takornarianik tikisitseqataasussaq.

Aviisi Sermitsiaq taama allappoq.

Aningaasaateqarfiup ajunngitsuliorfiusup Realdaniap akiligassat annerpaartai 108 millionit koruunit akilerpai, Namminersorlutik Oqartussat Avannaatalu Kommunia katillugu 23 millionit koruuninik tapiissuteqartut. Nordea Fonden saqqummersitanut 16,4 millionit koruuninik tapiissuteqarpoq, kiisalu Aagustinus Fonden 3,8 millionit koruuninik aningaasaliissuteqarpoq.

Sanaartugaq kusanartoq – uppiup suluanik isumassarsiorfiusoq – heliportitoqqap qimmeqarfiullu eqqaani inissisimavoq. Ilulissat kangiata illorsuanut kommuni pisuinnarnut iserfissanik pitsaasunik qulakkeerinnissimannginnera Ilulissani innuttaasup isornartorsiorpaa.

- Taakunga aqqusineq ulorianarpoq. Qamutit oqimaatsut sanioqquttarput, aqqusinerlu amippoq pisuinnarnullu aqquteqarani. Meeqqanut pisutsitsiviunngilaq imaluunniit sikkilertitsiviunngilaq, innuttaasoq kinaassutsiminik isertuusserusuttoq oqarpoq.

Aviisimi Sermitsiami atuarnerusinnaavutit. Aviisi uani pissarsiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER