Kangiata Illorsua: Dronningip taamaatitsineranut pakatsipput
Kangiata Illorsuani, naalagaaffeqatigiinni kusanarnerpaamik cafélimmi, saqqummersitsineq pissanganartoq illoqarfimmiut nuannarilluarpaat. Illorsuaq angerlarsimaffippalaartuuvoq qisunnik manngertuminernik nateqarluni, qisunnik portusuunik ataatigut iikkiussaqarluni qisunnillu takisuunik issiaveqarluni.
Qiianaqaaq. Anori qinnguajoorpoq. Allaammi qimmit qimuttut anorimit qiiaammersutut timitik eqisaartippaat. Ippernat toquusarsimapput. ”Qerititsiverujussuaq” malunnartorujussuuvoq, aviisi Sermitsiaq allappoq.
Ilulissat Kangerluat qaqortumik, qasersumik tungujortumillu qaamasumik qaamavoq. Seqinnersumi qulisimasumilu nillertumik kusanassuseqarluni. Ilulissat illutut tallimanik quleriilittut portutigisut. Sermip iigartartup 7 kilometerinik silissusillip ”qanerujussua” sermimik ”quersortuaannavippoq”. Nunarsuup affaani avannarlermi sermeq ingerlaartoq sukkanerpaaq ullormut 40 meterit angullugit nikittarpoq, ukiumi ullut 365-it tamaasa ulloq unnuarlu takorannernerpaamik takutitsisarluni.
Tamakkua tamaasa matup qernertup tunuani kiattumi tusarneqarsinnaapput. Ilulissani Kangiata Illorsua qaammat ataasiunngitsoq matuma siornatigut ammarneqarpoq.
Dronningi aningaasaateqarfinnillu pisuunit pisortat sulisullu pinnatik, taarsiullugu Iluliarmiut eqqaanillu inuinnaat juulip pingajuanni siullersaallutik illorsuarmut iseqqaartuupput.
Kamillarlutik. Kamippaat atisaajartarferujussuarmi peerneqarput. Nateq nutaaq taamaallaat isersimmateqarluni alersaannaalluniluunniit tutineqassaaq.
Kangiata Illorsuanut isiinnavilluni allaanngilaq qisunnik eqinneqarluni. Qisunnik manngertuminernik nateqarpoq, qisunnik takisuunik issiaveqarpoq qisunnillu assigiinngitsunik portusuunik taatigut iikkiussaqarluni. Kangiata Illorsua angerlarsimaffippalaarpoq, kissalaarpasilluni. Pinngortitamut mersernarpasissumut illua’tungiliuttutut illuni.
Cafe kusanartunik issiavilik nerrivilillu – aamma qisunnik sananeqarsimasunik – kunngeqarfimmi cafe-ni kusanarnerpaatut taaneqarsinnaavoq.
Qanimut malinnaalluni allaaserisaq tamaat uani AG-mi atuaruk: