Kangersuatsiami atuarfik ajugaavoq
Kangersuatsiami Upernaviup eqqaaniittumi atuartut marlunngormat ulloq puigunaatsissavaat. Atuarfimmi Nakuusap nuna tamakkerlugu ataatsimoorneq pillugu unammisitsinerani ajugaasimavoq. Unamisitsinermi oqariartuutaavoq meeqqat kiserliortutut misigisannginnissaat.
Meeqqat juunip allaqqaataani ulloqartinneqarnerannut atatillugu Nakuusa ataatsimoorneq pillugu unammisitsivoq, meeqqat ilaatigut tassunga atatillugu kaammattorneqarput ingerlaaqatigiinnissamut. Klassit tamarmik ingerlaarnerminni assilisaqartussaapput Nakuusamullu assimik nassiussillutik.
Kangersuatsiami atuarfik unammisitsinermini ajugaavoq, tassani meeqqat nunap aputitallip imarlu sikorasaartoq avatangiiseralugu uummataasanngorlutik assilitissimanertik ajugaassutigaat. Meeqqat ataatsimoornerup pitsaassusaa pillugu oqariartuutiminnik assigiinngitsunik allattuisimapput.
”Ajugaavugut”
Meeqqat ajugaangamik nuannaarnermut nunaqarfimminni ingerlaaqqillutik "Ajugaavugoortorlutik” nilliaqattaarsimapput.
Atuarfimmi ataatsimoorluni nereqatigiinnissamut atuarfik ajugaangami 2.500 koruuninnassimavoq.
Nunaqarfik 130-t missaannik inoqarpoq.