Kangerlussuup umiarsualivia Sikukimit isumagineqalissasoq
Umiarsualiveqatigiiffiup Sikuki Nuuk Harbourip Kangerlussuarmi umiarsualivimmut oqartussaasutut suliassaq isumagisarilissavaa. Qeqqata Kommuniani borgmesterip neriuutigaa, pissutsit taama allannguuteqarnerisa kinguneranik innuttaasut suliffeqarfiillu sullinneqarnerat ajorseriaateqassanngitsoq.
Suliffeqarfimmit iluanaaruteqanngitsumik ingerlanneqartumit aktiaatileqatigiiffittut allanngortinneqarneranut atatillugu Mittarfeqarfiit suliassatik qitiusut pingaartinnerulissavaat. Tamatuma kinguneranik Mittarfeqarfiit Kangerlussuarmi umiarsualivimmut oqartussatut ingerlatsiunnaassapput. Naalakkersuisut tusagassiuutinut nalunaaruteqarlutik tamanna ilisimatitsissutigaat.
Aviisi Sermitsiaq taama allappoq.
Tamatumunnga taarsiullugu Ineqarnermut Attaveqaasersuutinullu Naalakkersuisoqarfiup umiarsuaviliutileqatigiiffik Sikuki Nuuk Harbour A/S suleqatigalugu, Kangerlussuarmi umiarsualivimmi oqartussatut isumagisassap naleqquttumik tunniunneqarnissaa isumaginiarpaa. Piffissami qaninnermi umiarsualivimmi siunissami atugassarititaasussat pillugit paasissutissiisoqassaaq.
Umiarsuarnut takornariartaatinut atuisutut akiliisitsisarnissaq
Sikukimit umiarsuarnik takornariartaatinik suleqateqarneq misilittagaqarfigineqarpoq, umiarsuarnillu takornariartaatit pisariaqartitaannik ilisimasaqarluarluni. Tamatuma saniatigut umiarsuarnik takornariartaatinik atuisutut akiliisitsisarnermik misilittagaqarluarluni.
Allaaserisaq tamaat Sermitsiami saqqummersumi kingullermi atuaruk, uani:
