Kangerlussuup mittarfiani raatiukkut atortorissaarutit ajornartorsiortitsipput
Isumannaallisaaneq pissutigalugu Kangerlussuarmi timmisartuussinerit Mittarfeqarfinniit annikillisinneqarpoq
Annikilliliinermut Mittarfik Kangerlussuarmi radiokkut attaveqaatit ajornartorsiuteqarnerat pissutaavoq.
- Danmarkimi angalanermut, sanaartornermut ineqarnermullu aqutsisoqarfiup innersuussineratigut Mittarfik Kangerlussuarmi timmisartuussinerit Mittarfeqarfinniit annikillisinneqarpoq isumannaallisaaneq pissutigalugu, Mittarfeqarfiit tusagassiutinut nalunaaruteqarput.
Mittarfeqarfiit sukkanerpaamik aaqqiissutissarsiorlutik sulipput, qaquguli aaqqissimanissaa oqaatigisinnaanau.
- Mittarfik Kangerlussuarmi timmisartuussinernik annikilliliineq pissutigalugu akunneranik aallartut tingisulluunniit marluinnaasinnaapput, tamannalu angallannermut sunniuteqassaaq.
- Angalasut timmisartuussinernik allanngortoqaratarsinnaanerannik timmisartortitseqatigiinnut angalatitsisuminnut paassiniaaqquneqarput. Aqagumit timmisartuussinerit naatsorsuutiginngisamik sunnerneqassappata tamanna angalasunut ilisimatitsissutigineqassaaq, Mittarfeqarfiit allapput.