Kangerlussuaq

'Kangerlussuarmi qanoq amerlatigisut soraarsinneqassappat?'

Naalakkersuisoqatigiit mittarfinnut pilersaarutaat maanna mittarfinnut pioreersunut qanoq kinguneqartitsissanersut, IA-meersup Agathe Fomtainip akissutissarsiffigerusuppaa

Agathe Fontainip naalakkersuisoqatigiit mittarfinnut pilersaarutaasa kingunissai paaserusuppai

Nuup mittarfia 2200-mut tallippat, Ilulissallu mittarfia aamma taamak tallippat, Kangerlussuarmi suliffiit qassit atorunnaassapat?

Qeqqata Kommunia kiissalu Kommune Kujalleq, Kangerlussuup Narsarsuullu siunissaat pillugit qanga ataatsimiittoqarnikuua, suullu isumaqatigiissutigineqarpat?

Atuaruk: Mittarfiit pingasut Kalaallit Airportsimut katersuuttut

Kalaallit Airport, Mittarfiit Qaqortumi, Nuummi Ilulissanilu pillugit pilersinneqarpoq. Kangerlussuaq kikkut isumagilissavaat?

Kingunissai
Inuit Ataqatigiit Inatsisartunut ilaasortaatitaata, Agathe Fontainip, naalakkersuisoqatigiit Siumumit siuttuuffigineqartup mittarfinnut pilersaarutaat piviusunngussappata, nunaqarfiup siunissaa erseqqissartinniarlugu, apeqqutit taakku Naalakkersuisunut qaqippai.

Atuaruk: Siulittaasoq: Mittarfiit tallineqarnissaat imaassinnaavoq innersuussutiginngikkipput

- Naalakkersuisut erseqqissaajuarput Kangerlussuaq ullumikkutut ingerlannassasoq. Mittarfissuilli pingasuulerpata, ilimagineqartariaqarpoq allanngortoqassasoq. Naalakkersuisullu aalajangiileramik allannguutissat ilisimassavaat. Paaserusunnarpoq Kangerlussuaq allannguuteqassanngippat ilumut ullumikkut mittarfinni atorfiit aamma taakkuuginnassanersut, Agathe Fontain tunngavilersuutimini allappoq.

Powered by Labrador CMS