Skip to main content

Kangerlussuarmi innuttaasunik akiuussutissamik ullumi kapuisoqartoq

Kangerlussuarmi innuttaasut 16-it sinnerlugit ukiullit tamarmik coronavirusimut akiuussutissalertinnissamut ullumi neqeroorfigineqarput. Maniitsumi innuttaasut aqagu aamma neqeroorfigineqassapput.

Kangerlussuarmi najugallit 16-it sinnerlugit ukioqartut coronavirusimut akiuussutissalertinnissamut ullumi neqeroorfigineqarput. Nunatsinni akiuussutissalersuinissamut pilersaarut malillugu taamaasiortoqarpoq.

Innuttaasunik akiuussutissamik kapuineq ullumi nunaqarfiup timersortarfiani nalunaaqutaq 9.00-15.00 ingerlanneqarpoq, innuttaasut siullermeerlutik kapineqarnissamut periarfissaqartinneqarlutik.

Maniitsumi innuttaasut 50-it sinnerlugit ukiullit aqagu aamma neqeroorfigitissapput. Maniitsumilu akiuussutissalersuineq tallimanngorpat ilanngullugu ingerlanneqassalluni.

- Tamatuma kingorna sap. 15-imi aamma 16-imi Kalaallit Nunaata kujataani nunaqarfinni kiisalu Narsami, Nanortalimmi aamma Arsummi innuttaasut (18-ileereersimasut utoqqaanerusullu tamarmik) akiuussutissamik Moderna-meersumik kapitinnissamut neqeroorfigineqassapput, Namminersorlutik Oqartussat tusagassiorfinnut nalunaaruteqarluni allappoq.

Pfizer atorneqarpoq

Akiuussutissaq Pfizer/BioNTechimeersoq maannamut atorneqarpoq. Akiuussutissanik kapuinermi matumani aamma atorneqarluni.

Akiuussutissap taassuma uninngasuutigineqarnissaa angallannissaalu pisariittuinnaanngilaq. Akiuussutissarmi minus 80 grademiitinneqartariaqarpoq. Akiuussutissalersuinerilli nunatta kitaani ingerlanneqarsinnaasimapput.

Taamaattoq nunarput Danmarkimut isumaqatigiissuteqarpoq akiuussutissat Modernameersut atulissallugit. Akiuussutissat taakku sapaatip akunnerani 14-imi nunatsinnut tikiunneqassasut pilersaarutigineqarpoq.

- Tamanna pissutigalugu sap. ak. 14 aallarnerfigalugu Covid-19-imut akiuussutissaq Moderna-meersoq (mRNA-1273) Kalaallit Nunaanni atorneqalissasoq isumaqatigiissutigineqasimalerpoq. Akiuussutissap akiuussutissaq Pfizer/BioNTech-imeersup assingaa, kisiannili uninngatinneqarsinnaanera ajornannginneruvoq, taamaallaat – 15 gradip aamma – 25 gradip akornanni nillissusilimmi qeritinneqartussaagami, taamaattumillu nunatsinni assartoruminarnerungaatsiassalluni. Kapitinneq siulleq tullerlu sivikinnerpaamik ullunik 28-nik akunneqassapput, ilisimatitsissutigineqarpoq.

Nunatta nakorsaaneqarfiata coronavirus pillugu nittartagaani atuarneqarsinnaavoq kujataani innuttaasut 18-ileereersimasut neqeroorfigitinnissamut tullinnguutilersut. Nunaqarfiit illoqarfiillu pineqartut tassaapput Narsaq, Nanortalik aamma Arsuk.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER