Skip to main content

Kangerlussuarmi aatsitassarsiortoqarnissaa pillugu innuttaasunik ataatsimiisitsinerit arfinillit

Naalakkersuisut, Qeqqata Kommuniani innuttaasut soqutiginnittut Hudson Resources-ip Kangerlussuup eqqaani piiaanissamut qinnuteqaataanut tunngatillugu innuttaasunik ataatsimiititsisoqassaaq

Kangerlussuup eqqaani anorthositimik piaanissamut pilersaarummut soqutiginnikkuit innuttaasunik ataatsimiisitsinissamut peqataasinnaavutit. 

Tassami Naalakkersuisut Qeqqata Kommuniani innuttaasunik tamanna pillugu ataatsimiisitsissaaq. Kangerlussuup eqqaani piiaanissamik suliffeqarfik soqutigisaqartoq Hudson Resources ataatsimiisitsinerni peqataassaaq.

Ulluni taakkartorneqartuni ataatsimiisitsisoqassaaq: 

  • 8. maj Nal. 12.30 - 15.30 Kangaamiut - Katersortarfik 
  • 8. maj Nal. 19.00 - Maniitsoq - Hotel Maniitsoq
  • 9. maj Nal. 11.30 - 14.30 - Itilleq - Katersortarfik 
  • 9. maj Nal. 19.00 - Kangerlussuaq - Timersortarfik
  • 10. maj Nal. 11.00 - 14.00 - Sarfannguit - Katersortarfik 
  • 10. maj Nal. 19.00 - Sisimiut - Aatsitassalerinermik ilinniarfik 

Tamanut ammasumik innuttaasunik ataatsimiititsinerit, tusarniaanermut najoqqutassat tamanut saqqummiunneqarnerannut aammalu Namminersorlutik Oqartussat nittartagaanni tamanut ammasumik tusarniaassutigineqarnerannut atatillugu, pisortanit ingerlanneqassapput. 

Suliassap saqqummiunneqarnissaanut tamatumalu kingorna suliassamik pigisaqartunut, oqartussaasunut aammalu suliassaqarfimmi immikkut ilisimasalinnut arlaannaannulluunniit attuumassuteqanngitsunut apeqquteqarnissamut innuttaasut periarfissinneqarnissaat siunertaralugu, innuttaasunik ataatsimiititsinissat aaqqissuunneqarput. 

Peqataasussat
Innuttaasunik ataatsimeeqateqarnerni peqataasussatut aaqqissuisunit uku naatsortuutigineqarput: Qeqqata Kommuniani borgmesteri Hermann Berthelsen, Qeqqata Kommuniani borgmesterip tullia aamma aatsitassanut attaveqarnermullu ataatsimiititaliami siulitaasoq Gedion Lyberth, Aningaasaqarnermut Aatsitassanullu Naalakkersuisoq Anda René Uldum, Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq Vittus Qujaukitsoq aamma Avatangiisinut, Pinngortitamut Inatsisinillu Atuutsitsinermut Naalakkersuisoq Mala Høy Kúko, kiisalu Århus Universitet-imi Nationalt Center for Miljø og Energi-mit, Pinngortitaleriffimmit aamma Hudson Ressources-imit aallartitat peqataassapput.

Ataatsimiisitsinerit kalaallisut danskisullu ingerlanneqassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER