Skip to main content

Kangerlussuaq pillugu paasitinneqarnissamut ukioq ataaseq sinnerlugu ingerlasinnaasoq

Kangerlussuup nutarterneqarneranut ingerlanneqarneranullu atatillugu kikkut akiliissanersut pillugu paasitinneqarnissamut ukioq ataaseq sinnerlugu ingerlasinnaavoq

Illersornissamut ministeeriaqarfik Kangerlussuarmi mittarfiup nutarterneqarnissaanut ingerlanneqarnissaanullu tapiissuteqassaaq. Tamanna tamanit paaseqatigiissutigineqarpoq. Illersornissamut ministeri Trine Bramsen (Soc) tassunga atatillugu imatut oqarpoq:

- Kangerlussuup Mittarfia Illersornissaqarfiup timmisartuinut pingaaruteqarpoq, tamaanilu silap pissusia nakkutilliinermik, oqartussaaffeqarnermik aammalu ujarlernermik annaassiniarnermillu ingerlatsinissatsinnut pitsaanerpaamik tunngavissiivoq. Suleqatigiissitaliortoqarpoq aningaasaqarneranik sukumiinerusumik misissuisussamik. Illersornissaqarfiup akisussaaffigiligassani ilisimavai, nalunngilaalu tamanna aningaasartuutissartaqartoq, tamatumunnga ilanngullugu mittarfiup nutarterneqarneranut ingerlateqqinneqarneranullu.

Tassa suleqatigiissitaqarpoq aningaasartuutissat qanorpiaq agguarneqarnissaannik qulaajaasussanik. Kangerlussuup inuinnarnit siunissami qanoq atorneqarsinnaanera matumani aamma ilanngullugu misissorneqassaaq.

Aamma nunaqarfiup kiassaateqarfiata nutarterneqarnissaa pillugu apeqqut suli paasisaqartoqanngilaq.

Aamma suleqatigiissitat suliaminnik naammassisaqarnissaannut piffissaq sivisooq ingerlasinnaavoq, Naalakkersuisupq Karl-Frederik Danielsenip (S) Hans Enoksenip (PN) apeqqarissaarnermi apeqqutaanut allakkatigut akissutaani takuneqarsinnaavoq.

- Illersornissaqarfiup mittarfimmut akisussaasuulernissaa pillugu Naalakkersuisut aamma Illersornissamut ministerip akornanni ataatsimut paaseqatiginnissummik peqarpoq. Immikkoortut arlallit inssinneqartussaapput isumaqatigiissutigineqartussaallutillu, suliallu ukiumik ataatsimik sivisunerusumilluunniit sivisussuseqarnissaat naatsorsuutigineqarpoq, akissuteqaammi taamatut allassimavoq.

Peqatigitillugu Karl Frederik Danielsenip (S) erseqqissaatigeqqippaa, – siusinnerusukkut oqaatigisimasaminut sanilliullugu – Naalakkersuisut illersornissamullu ministerip tunngaviusumik isumaqatigiissutaasa saniatigut allanik isumaqatigiissuteqartoqarsimanngitsoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER