Skip to main content

Kangerlussuaq pillugu isumaqatigiissut sapaatip akunnerani matumani atsiorneqassaaq

Naalakkersuisut danskillu naalakkersuisuisa illersornissaqarfiup Kangerlussuarmik atuinnarnissaa isumaqatigiissutigisimagaat Sermitsiaq.AG-mit paasineqarpoq

Sapaatip akunnerata siulianili paasinarsivoq, Naalakkersuisut danskillu naalakkersuisuisa illersornissaqarfiup Kangerlussuarmik atuisarnissaa isumaqatigiissutigisimagaat.

Folketingip Kalaallit Nunaannut tunngatillugu Ataatsimiititaliaani tamanut ammasumik isumasioqatigiittoqarmat illersornissamut ministerip Trine Bramsenip (Soc) oqaatigaa, Naalakkersuisunut tunngaviusumik isumaqatigiissut ukiap ingerlanerani atsiorneqassasoq naatsorsuutigalugu.

Maannali Sermitsisaq.AG-mit paasineqarpoq, sapaatip akunnerata matuma ingerlanerani atsioqatigiittoqarniartoq, pingasunngorpaannguatsiartoq. Naalakkersuisut marluk Karl Frederik Danielsen (S) aamma Ane Lone Bagger (S) Kalaallit Nunaat sinnerlugu aamma Trine Bramsen (Soc) danskit naalakkersuisui sinnerlugit atsioqatigiissapput.

Sakkutuujunngitsunit atorneqartassanersoq erseqqissumik oqaatigineqarsimanngilaq

Kangerlussuarmi timmisartoqarfiup sakkutuunit atorneqaannartarnissaa aalajangiunneqareeraluartoq, suli pisortatigoortumik nalunaarutigineqanngilaq, sakkutuujunngitsunit atorneqartassanersoq. Trine Bramsenilli isumasioqatigiinnermi oqaatigaa, sakkutuujunngitsut timmisartoqarfimmik atuinnarnissaannik kalaallit kissaateqassappata akuersaarsinnaallugu.

Apeqqulli annertooq tassaavoq, nutarterinissat pisariaqartut kingusinnerusukkullu timmisartoqarfimmik ingerlatsinissaq kikkunnit akilerneqassanersut. Illersornissamulli ministerip isumasioqatigiinnermi oqaatigaa, Kangerlussuup siunissami qanorpiaq isikkoqarnissaa, tunngaviusumik isumaqatigiissutip atsiorneqareernerani aatsaat suliarineqassasoq.

Apeqqut ammasoq

Kalaallit Nunaannut tunngatillugu ataatsimiititaliami isumasioqatigiinnerup saniatigut Inatsisartut Nunanut Allanut Sillimaniarnermmullu Ataatsimiititaliaat 

Attaveqaqatigiinnermut Naalakkersuisumit Karl Frederik Danielsenimit (S) ilisimatinneqarsimapput. Ataatsimiititalialli ilisimatitsissut tamakkiisuunnginnerarsimavaa, tamatumalu kingorna Nunanut Allanut Naalakkersuisoq Ane Lone Bagger (S) qinnuigisimavaat, paasissutissanik sukumiinerusunik tunniusseqqullugu.

- Danskit naalakkersuisuisa Naalakkersuisullu tunngaviusumik isumaqatigiissuteqarsimanerat Ataatsimiititaliamit immikkut soqutigineqarpoq, Ataatsimiititaliami siulittaasoq Aleqa Hammond tusagassiorfinnut nalunaarummi allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER