Kangerlussuaq nuna tamakkerlugu takornariaqarnermik ineriartortitseqataavoq

Kangerlussuarmi eqqaanilu takornariaqarnerup pitsaaqutaa tassaavoq, ukioq kaajallallugu takornariaqarnerup pineqarnera Ilulissanisut aasaanerinnaani takornariaqarneq pineqarnani.

Jesper Schr der: – Kangerlussuaqtakornariarisartakkani aqqutigalugitinuiaqatigiit aningaasqarnerannuttapersiissuteqarsinnaavoq.

Kangerlussuarmi imarpik qulaallugu timmisartunut mittarfik nunatta aningaasaqarneranut aamma Nuummi Ilulissanilu mittarfissanut peqqinnartumik tapersiissuteqarsinnaavoq. Taama Qeqqata Kommuniani Arctic Circle Businessip pisortaa, Jesper Schrøder, mittarfiliortiternerit inuiaqatigiit aningaasaqarnerannut kingunerisassai pillugit Deloittemit nalunaarusiamut nutartikkamut oqaaseqaammi oqarpoq.

Aviisi Sermitsiaq taamatut allappoq.

Mittarfeqarnikkut aaqqissuussaanermi nutaami akilersinnaassutsip qulakkeernissaanut Kangerlussuup pingaaruteqarnera upperaarput. Soorluttaa Kangerlussuaq nunatsinni aningaasaqarnermut atugarissaarnermullu nukittorsaaqataassasoq, oqarpoq, imalu ilassuteqarluni:

Takornariarpassuarnut inissaqartoq

Nuna Kangerlussuup Sisimiullu akornanniittoq ima angitigaaq, nunami takornariat amerlanerpaartaannik tigusisinnaalluni. Islandip ilinniarfiginissaa eqqartuinnaqinatigut, piviusumilli ilinniarfiginiartigit. Tamatumani eqqarsaatigaara, Islandip takornariat Islandimut tamarmut siammartinnissaannik pingaartitsisorujussuusimanera. Takornariat pinngortitami takornariagassaqqissunut ornigutsinneqartarput, taamaaliornikkullu sumiiffiit ataasiakkaat tatineqarnerat annikitsuutinneqarluni. Nunaqavissut pinngortitarlu tativallaanngikkaluarlugit takornarianik amerlasuunik tigusisinnaaneq eqqartortorujussuusimavaat, Jesper Schrøder nassuiaavoq ilassuteqarlunilu:

– Amerlanerujussuarnik takornariaqarsinnaavugut, siammarnerusinnaagatsigit, sumiiffinnut ataasiakkaanut tatisineq annertuallaaqqunagu.

Oqaluttuaq tamaat aviisimi Sermitsiami sapaatip-akunnerani matumani saqqummersumi atuaruk, uguuna akiliillutit iserfigisinnaavat:

Powered by Labrador CMS