mittarfiit

Kangerlussuaq Narsarsuarlu pillugit erseqqissumik suli akissuteqarfigineqanngitsut

Kangerlussuup Narsarsuullu mittarfiisa siunissaannut tunngatillugu, Naalakkersuisut suli ersernerluttumik akisarput

Kangerlussuarmi Narsarsuarmilu innuttaasut mittarfiit siunissaat pillugit, taamatullu nunaqarfitik pillugit arlaleriarlutik akissutissanik ujartuisarput.

Mittarfiillu atatiinnarneqarnissaat Naalakkersuisut neriorsuutigisarpaat, kisianni mittarfiit Ilulissaniittoq Nuummiittorlu tallineqarpata, Qaqortumilu mittarfik piareerpat mittarfinni taakkunani qanoq angallatsigisoqarumaarnersoq nassuiarneq ajorpaat.

Atuarukl: Narsarsuarmiut toqqissisimanngillat

§ 37 naapertorlugu Randi Vestergaard Evaldsenip (D) apeqquteqaataanullu akissummi aamma paasissutissanik tigussaasoqarpallaanngilaq.

Maanna naalakkersuisuusimasunngortup, Martha Lund Olsenip (S), mittarfiit atatiinnarneqassasut oqaatigeqqippaa.

Atuaruk: 'Kangerlussuarmi qanoq amerlatigisut soraarsinneqassappat?'

Tamatumalu kingorna ersernerlunnerulerpoq.

- Taamaattorli ingerlannera atorneranut naleqqussassaaq, tassanilu mittarfeqarnikkut attaveqaqatigiinneq nutaaq annertuumik apeqqutaassaaq.

Ilaasut amerlanerpaartaat ullumikkut Nuuk imaluunniit Ilulissat aqqusaarlugu ingerlasarnissaat akissuteqarfiginngilaa, kisianni ima allappoq:

- Nuummi Ilulissanilu Atlantikoq qulaallugu mittarfeqalernikkut taavalu Qaqortumi Tasiilamilu Atlantikup avannaani nutaanik mittarfeqalernikkut angallannikkut pissuseqarnerup allanngornissaa qularisassaanngilaq.

Powered by Labrador CMS