Skip to main content

Kangerlussuaq Illersornissaqarfimmut milliardit affaannik naleqarsinnaasoq

Kangerlussuarmi mittarfimmik nutarterineq Illersornissaqarfimmut 550 millioner koruunit angullugit naleqarsinnaavoq, Altinget Arktis allappoq

Illersornissaqarfik Kangerlussuarmik atuiinnassaguni 550 millioner koruunit angullugit aningaasaliissuteqartariaqassaaq.

Tamanna illersornissamut ministerip allakkiaani, Altinget Arktisimit pissarsiarineqarsimasumi takuneqarsinnaavoq.

- Kangerlussuarmiiginnarnissamut aningaasatigut tunngavissat 550 millioner koruunit angullugit aningaasalerneqartariaqassasut, Altinget Arktisip allakkiaani taamatut allassimasoqarpoq.

Peqatigitilluguli erseqqissaassutigineqarpoq, naatsorsuisimaneq nalorninartortaqartoq.

Danmarkimi naalakkersusit Naalakkersuisullu septembarip 17-ani illersornissaqarfiup mittarfimmik atuiinnarnissaa pillugu tunngaviusumik isumaqatigiissuteqarput.

Tassunga atatillugu aamma oqaatigineqarpoq, paaseqatigiissutigineqarsimasoq mittarfiup illersornissaqarfiup ingerlatsinissaanut pisariaqartup nutarterneqarnissaa illersornissamut ministeeriaqarfimmit akisussaaffigineqassasoq.

Nutarterinerullu qanoq annertutigisumik aningaasartaqarnissaa maannamut suli oqaatigineqanngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER