Kangerlummiut dunkinik utertitsinerpaasimasut
Dunkit katillugit 116.339-t Polar Oilip ukiut marluk matuma siornatigulli utertitsisarnissamik aaqqissuusisimanera aqqutigalugu utertinneqarsimapput. Kangerlummi innuttaasut utertitaqarnerpaasimapput, taamalu dunkinik utertitsinermik unammiuaartitsinermi ajugaasuullutik.
Polaroilimut pisiniartartut texaco dunkinik amerlasoorsuarnik utertitsisimapput, pingaartumik Kangerlummiut utertitsilluarsimapput, taamalu nunaqarfimmiut tamarmik kaffillerfigineqartussanngorlutik.
Texaco dunkit 116.339-nik ikinnerunngitut Polaroilip 2019-imi novembarip qaammataanili utertitsisarnissamik aqqissuussisimaneraniilli utertinneqarsimapput. Polar Oil tusagassiorfinnut nalunaaruteqarluni ilisimatitsivoq.
Pisiniartartut amerlanerit utertitsisarnermik atuisittalerniarlugit Polar Oil unammisitsisimavoq. Nunaqarfimmilu Kangerlummi innuttaasut ajugaasuupput, nunaqarfimmilu innuttaasut tamarmik kaffillerfigineqartussanngorlutik.
Unammisitsinermi innuttaasut ataasiakkaat texaco dunkinik amerlanerpaanik utertitsisarnissaat anguniagaasimavoq. Matumanilu Kangerluk 13-ink innuttaqartoq ajugaasulluni.
- Nunami tamarmi taamak amerlatigisut unammisitsinermut peqataasimanerat nuannaarutigeqalugulu tulluussimaarutigeqaarput. Tamassi pinngortitarput minguinnerulerseqataaffigaarsi, neriuutigaarpullu unammisitsineq naammassereealuartoq suli dunkinik utertitsisarumaartusi, Polaroilimi pisortaaneq Githa Brask Olsen oqarpoq.
Pisiniartartut texaco dunkinik imaqanngitsunik Polaroilimut utertitsinerminni tre koruuninik pissarsisarput.