Kangaatsiami ikuallatitsisoq ajunaarpoq
Kangaatsiami ikuallattoqarneranut atatillugu Aasianni Politiit ornigupput marlunngormat. Ikuallattoq qaminneqareerpoq, ikuallatitsisimasutullu pasineqartoq toqukkut qimaguppoq.
Annonse
Kangaatsiami pisiniarfeeqqami ikuallattoqarneranik Aasianni politiit nalunaarfigineqarput marlunngormat nalunaaqutaq 21.20.
- Ikuallannermi pisiniarfeeraq nunguippoq, politiit tusagassiutinut nalunaarummi allapput.
Ikuallanneq qanoq aallartissimanersoq politiinit misissorneqaleruttorpoq. Ikuallatitsisimasutulli pasineqartoq toqungasoq nassaarineqarsimasoq ilisimatitsissutigineqarpoq.
Nuummukaassineq
- Ikuallannerup peqqutigisaanik inuk ataaseq ajoqquserpoq, taanna Nuummukaanneqarpoq, ilisimatitsissutigineqarpoq.
Suliamik allanik pasisaqartoqanngilaq.
Ajunaartumut ilaqutaasut ilisimatinneqareerput.