Taamaattumik ajutoorpoq
Kangaamiut: Qamutilimmit tallimigut eqqortittoq
Qamutilimmik aallartoornikkut marlunngornermi ullaap tungaa Kangaamiuni ajutoortoqarpoq
Arfanniaq Kangaamiormiup aallassamaarluni qamutilimmik piareersaatilluni aallartoorluni tallimigut eqqortippoq.
Marlunngornermi ullaap tungaa sakkortuumik ajutoortoqarneranik politiit Kangaamiuni misissuinerat suli ingerlavoq. Arfanniarnermi qamutilik angallammi 30 fodsitut angitigisumi aallartoorutigineqarpoq.
Atuaruk: Qamutilik ajutoornikkut qaartoorpoq
- Angut tallimigut eqqortissimavoq Nuummilu Dronning Ingridip napparsimmavissuanukaanneqareerluni. Angutip talia aanaarujussuarsimavoq. Angut maannamut suli oqaloqatigisinnaasimanngilarput. Qaqugulu oqaloqatigisinnaalissaneripput qanorissusaata aalajangerumaarpaa, Maniitsumi politiini ulluinnarni aqutsisoq Niels Tønnesen Sermitsiaq.AG-mut oqarpoq.
- Suli paasinngilarput qanoq ililluni qamutilik aallartoorutigineqarsimanersoq oqareernittullu Kangaamiuni misissuinerput suli ingerlavoq, Niels Tønnesen oqarpoq.