Kalaallit ujaqqat pinnersaasiassaataat nutaamik inuussutissarsiuteqalersitsisinnaapput
Ujaqqanik pinnersaatissanik nioqqutissiorneq aamma avammut nioqquteqartarneq nutaanik suliffinnik, aalisarnermi kinguleruttunik, pilersitsisinnaapput, taamatut naliliivoq ujaqqanik pinnersaatissanik nioqqutissiortartoq.
Narsami tugtupitimik nioqqutissiortarnissamut tunngavissaqarpoq, tamatuminnga nioqqutissiorneq ukiumut 500 millioner koruuninik kaaviiaartitsisoqarsinnaalluni.
Aviisi Sermitsiaq taama allappoq.
Taamatut aatsitassarsiornermi suliniutinik annikitsunik suliaqartartut naliliipput.
– Kisianni pisariaqarpoq Kuannersuarni tugtupitseqarfiit atorluarneqarneqarnissaannut akuerineqarneq. Maannakkorpiaq taamaallaat ujaqqanik pinnersaatinik nioqqutissiortoq taamaallaat ataaseq Kuannersuarni tugtupitsimik katersisinnaatitaavoq.
Taamatut oqarpoq Ilannguaq Lennert Olsen, ujaqqanik pinnersaatinik nioqqutissiortuusoq, aamma »Nuummi Ujaqqerituut Peqatigiiffianni«, aatsitassarsiornermut tunngasuni suliniutinik annikitsunik nioqqutissiortunut peqatigiiffiusumi, siornatigut siulittaasuusoq. Ilannguaq Lennert Olsenip ukiuni arlalinni tapersersorlugu eqqartortapaa tugtupit tassaassasoq Kalaallit Nunaata ujaqqatut pinnersaatigissagaa, ujarak taanna Kalaallit Nunaanni immikkorluinnaq ittuummat.
Aviisimi Sermitsiami atuarnerusinnaavutit: