Skip to main content

Kalaallit triathlon-ertartut sassarput

Triathlon-ertartunut 2013-imi sæsoni suli naammassinngilaq

Triathlon piffissami kingullermi Nunatsinni sammineqangaatsiarsimavoq, minnerunngitsumik Island Games-it aamma Ironman Copenhagen-ip kingorna. Unamminerni taakkunani marlunni kalaallit triathlon-ertartut angusarissaarput, 2014-imilu kalaallit arnat arfineq-marluk ironman ingerlanniarlugu anguniarpaat.
Christian Keldsenip ironman kuarti (950 meterimut nalunneq, 45 km-imut sikkilerneq 1,5 km-imullu arpanneq) ingerlappaa atorlugit 2;08:07, taamaasilluni tamani normu 2-ngorluni ukioqatiminilu ajugaalluni. Christian nalunnermi sikkilernermilu siuttuulluartarpoq, kilometerilli arfineq-marluk arpareerluni kukkusumut sangutinneqarpoq taamaasiluni allanit 300 meterinik isorartunerusumik arpalluni. Sivisunaarinera pissutigalugu sukalasuup Mads Rytterip, TriNord-imeersup, Christian sekundinik 52-iinnarnik qaangerpaa.
Kalaallit ironman-ertut aggustimi angusarissaarnermik kingorna qasuersaartut Stig Brahe Sørensen aamma Christian Keldsen ukioq manna nunani allani unamminerni peqataasassapput. Stig qaammat una kingusinnerusukkut duathlon-imi (arpanneq-sikkilerneq-arpanneq), Sorømi ingerlanneqartumi peqataassaaq, Christianilu sæsoni naggataarlugu Nice-mi franskit triathlon-imi pissartanngorniunneranni peqataassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER