Skip to main content

Kalaallit takinngitsumik filmiliaannik immiussineq aallartingajalersoq

Nuummi filmiliortut illup iluani aamma silami kangerlummi Kapisilinnilu immiussissapput. Kalaallit aamma Saamit filmiliornermut peqataapput, kiisalu assiliisoq Australiamioq

Pipaluk K. Jørgensen aamma Mikisoq H. Lynge kalaallit takinngitsumik filmiliaannik nutaamik 'The Last Walk'-imik taaguuteqartumik suleqatigiipput, taakku filmiliortartut nammineerlutik manuskripti allappaat aamma ilitsersuisuullutillu ingerlatsisuussapput.

Immiussinerit juunip qeqqani Nuummi ingerlanneqassapput. Nuup Kangerluani aamma Kapisilinni immiussisoqassaaq, filmiliortut tusagassiuutinut nalunaarummi ilisimatitsipput.

Atuaruk: Kalaallit rockimik piviusulersaarusiaat Københavnimi takuteqqaarneqassaaq

Filmip imaa
Kalaallit aamma Saamit filmiliortartut filmiliornermut peqataassapput, kiisalu Australiamiu David Trood assiliisuussaaq.

Filmi arnat qatanngutigiinnut marlunnut, pisumut alianartumut eqqorneqartut qanorlu assigiinngitsumik tigunerannut tunngavoq. Pingaarnertut inuttaassapput qatanngutigiit Uilu Pedersen aamma Nivi Pedersen Aasianneersut.

Assit takukkit: Filimiortartut peqatigiiffiata inuusuttoq piukkunnaatilik nersornaaserpaa

Issittoq sammineqassasoq
Filmimik suliniut issittumi suleqatigiinnerup annertuumut ilaavoq, taanna Internationale Sámiske Film Institutep (ISFI) Nunavut Film Development Corporation peqatigalugu aallartippaat, Artic Film Circlemik taallugu.

Arctic Film Circlep siunertaraa, filmit takinngitsut tallimat naammasseriikkat Berlinimi filmfestivalimi Berlinalenimi 2017-ip aallartinnerani takutinneqarnissaat, Tyskit filmfestivaliat ukiumi tassani Issittoq ukkatarisussaammagu.

Atuaruk: 2015-imi filmiliullammattut toqqagaq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER