Skip to main content

Kalaallit taekwondortartut sisamat EM-eqataassapput

Taekwondomi europami pissartanngorniunnermi kalaallit sisamat peqataassapput. Unammisartut misilittagartuut peqataassasut kattuffimmit oqaatigineqarpoq

Kalaallit Taekwondomi nunanut allanut unammisartui Europami pissartanngorniunnerni Italiami ingerlanneqartussami peqataassapput.

Kalaallit sisamat tassani peqataassapput. 

- Unammisartut siornatigut pissartanngorniunnerni angisuuni peqataasareernikuupput, taamatullu misilittagaqarluarlutik, Taekwondortartut Kattuffiat nalunaaruteqarpoq.

Peqataasussat ukuupput:

  • Tina Nikodemussen, 2. Dan. Unammissutissat: Tul, frikamp.
  • Helge Heilmann, 2. Dan. Unammissutissat: Tul, frikamp.
  • Jonathan Jonathansen, 4. Dan. Unammissutissat: Tul, firkamp.
  • Angutinnguaq Tittusen, 5. Dan. Unammissutissat: Tul

- Angutinnguaq Tittusenip angusarissaarluarnissaa naatsorsuutigaara, EM-imimi siornatigut kuultinnattareerpoq. Unammersuaarnernut makitsinissaq qanoq isikkoqassanersoq Helge Heilmannimut Jonathan Jonathansenimullu apeqqutaassaaq. Makitsinermi iluatitsilluassagunik angusarissaarluarsinnaapput, nunanut allanut unammisartunut sungiusaasuugallartoq Karl Larsen Sermitsiaq.AG-mut oqarpoq. 

Unammisussat Italiamut anngutereerput piareersarlualereerlutillu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER