Skip to main content

Kalaallit suliffeqarfiutaata ilisimasortaqartarneq tamaviaarutigigaa

Umiarsuarnik takornariartitsisarnerup annikillinerani DanPilotip nunatsinni ingerlatseqatigiiffiutini matugaa, kalaallit suliffeqarfiutaa Imaq Pilot siuariartorpoq.

Nunatsinni suliffeqarfik ilisimasortaqartitsisartoq Greenland Pilot Service matuneqarpoq. DanPilotip piginnittuata Danmarkimi naalagaaffiup tamanna sisamanngornermi nalunaarutigaa.

DanPilot naapertorlugu tamatumunnga pissutaavoq, ukiup aappassaanik umiarsuarnik takornariartitsinissap taamaatiinnarneqarsimanera, taamaammallu ilisimasortaqarnissaq pisariaqartinneqarpallaarani. Umiarsuimmi ilaasartaatit 250-it sinnerlugit ilaasoqarsinnaasut kisimik inatsit malillugu ilisimasortaasussanik ikisoqarsinnaatitaapput.

Suliffeqarfik alla ilisimasortaqartitsisartoq - aallartinneqarlaaq Imaq Pilot - nalunaarpoq ajunngilluinnartumik ingerlasimallutik, umiarsuimmi takornariartaatit tikittanngikkaluartut suliassarpassuaqarsimavoq.

Imaq Pilot kalaallit suliffeqarfiutaat, nunami maani ilisimasortanik atuisarnissamik anguniagaqarpoq.

Naleqqussaanertik iluatsissimagaat

Jakob Nordstrøm Nuummeersoq, Særen Nuka Olsvigimik Tatsinnguaq Olsenimillu peqateqarluni Imaq Pilotimik pilersitsisimasoq taamatut oqaluttuarpoq. 

Jakob Nordstrøm qaqutigoortumik suliffeqarfinni marlunni pineqartuni suleqataasimavoq, taannami Greenland Pilot Servicesimik pilersitsisuullunilu piginneqataasimasoq aamma Imaq Pilotimik piginneqataasuuvoq.

Taassuma oqaatigaa, umiarsuit takornariartaatit tikittanngikkaluartut Imaq Pilotip niuerfimmut naleqqussarneqarnera iluatsissimasoq:

- Inatsisit malillugi ilisimasortaqarsimanngilagut, ilisimasortaqarsimanngimmat. Ilisimasalittulli allanik arlalinnik atorfeqartitsisimavugut. 

- Umiarsuit uuliamik usisartut assartuutillu assersuutigalugu Qaanaaliartartut ilisimasortaqartittarsimavagut. Aamma Franskit, Canadamiut Amerikamiullu sakkutuuisa imarsiortut umiarsuaat ikiortarsimavavut, Jakob Nordstrøm oqaluttuarpoq.

Nordstrøm: Aningaasartuutaasussatut illikartitat annikillisinneqarsimassagaluarput

Jakob Nordstrøm naapertorlugu, Greenland Pilot Servicep annersaanik DanPilot piginnittuuvoq, DanPilotilu taamaammat Greenland Pilot Servicemut atatillugu aalajangiisartuulluni.

Jakob Nordstrømip oqaatigaa, Greenland Pilot Servicep umiarsuarnik takornariartaateqartoqannginneranut naleqqussarneqarnissaanut DanPilot pikkorippallaarsimanngitsoq:

- Corona atuutileruttormat aningaasartuutit naleqqussarlugit aallartittariaqarivut tunngavilersuutigisarsimagaluarpakka. Tamatumunnga paarlaallugu nammineq aningaasaatit, soorlu aningaasarsiassanut Nuummilu illumut attartukkamut akiliutitut maanna atorneqarsimapput, Jakob Nordstrøm oqarpoq.

Greenland Pilot Servicep matuneqarneranut atatillugu ingerlatseqatigiiffimmi piginneqataanerminut akilerneqarsinnaanini maanna utaqqimaarnerarpaa.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER