Skip to main content

Kalaallit Røde Korsiat Nepalimut aningaasanik tunisivoq

Asiami nunap sajoreernerata kingorna Kalaallit Nunaannit ikiuiniartoqarpoq

Kalaallit Røde Korsiani siulersuisuunerit aaliangiusseriataarput massakkorpiaq 50.000 kr.-ninik ajunaarnersuaqartillugu aningaasaateqarfimmiit inunnik Nepalimi ikiuiniaqatigiit tunissuteqarfiginiarlugit.

Taanna pivoq Nepalimi nunap sajoreernerata kingorna, Kalaallit Røde Korsianit Kirsten Mortensen ilisimatitsivoq.

- Massakkumut inuit 5000-nik sinnillit ajunaarsimassagatinneqarput suleqatigullu nunami najuuttut oqarput ajunaarnersuaqarneratigut annertoorsuarmik aserorterinernik nassataqarsimasoq. Katmandumi annaassiniaanerit, illut aseqquini, ingerlarsuleruttorput, Kirsten Mortensen nassuiaavoq.

Ikiuinerit
Røde Korsimiik kajumissutsimikkut sullissisut 10.000-t annaassiniaanikkut suleriutsinik ilinniartinneqaqqammerput. Taakkualu massakkorpiaq ulloq unnuarlu kaajallallugu sapinngisartik tamaat ikiueqqaarnermikkut saniatigut annaassiniaanernut peqataapput illut aseqquisa akunneranni inunnik ujaaseqataanermikkut.

- Inunnut 40.000-nut tæppinik, presenninginik inuussutissanillu,  naammattunik massakkumut  isumaginnereersimalerpugut. Angerlarsimaffeeruttorparpassuarnullu utaqqiisaagallartumik inissiigallarluta.

- Massakkumut Nepal nunap sajuppillannerata kingunerisaanik suli sajuppiloqattaarnerit peqattaarput. Ajunaarnersuullu qanorpiaq annertutiginera tamakkerlugu ilisimarpianngilarput nalunngilarpulli ikiuutaanissarput piffissami sivisoorsuarmi suli atorfissaqartinneqarumaartoq.

Danskit 21-t suli tusarfigineqanngillat
Nunap sajunnerujussuaq Richter-skalami  7,9-tut sakkortussusigaasimasoq Nepalimi Katmandu-qooruanut killissimavoq.

Danskini Nepaliniittuni 280-ni danskit 21-t suli tusarfigineqarsinanngitsut nunanut allanut ministeriaqarfik ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER