kajumissutsimik sulisut

Kalaallit Røde Korsiata suliniutaa aallartilluarpoq

Kalaallit Røde Korsiani ajunngitsumik siunertalimmik suliaqarusuttut amerlanerit pisariartinneqarput. Suleqatissarsiorneq sapaatiummat Nunatsinni sumiiffiit ilaanni kaffillernermik aallartinneqarpoq

Ilulissani kaffillerneq Kalaallit Røde KorsiatSisimiuni kaffillerneq Kalaallit Røde KorsiatManiitsumi kaffillerneq Kalaallit Røde KorsiatQaqortumi kaffillerneq Kalaallit Røde Korsiat

Nunarsuarmi ajorsaatillinnut kajummutsimik suliallit ilisarisimalerluarniarlugit, Kalaallilt Røde Korsiat sapaatiummat illoqarfiit assigiinngitsut arfineq-marluk kaffillerfigai.

Paasisimasaqarnerulerneq

Sapaatip-akunnerini tulliuttuni pingasuni innuttaasut Røde Korsimut paasisimasaat suliniaqatigiiffiup annertusariarniarpaa, taamaasiornikkut atornikuerniarfiit kisimik sammineqarneq ajortut paasineqassammat.

Suliniut qulequtserneqarsimavoq "Takorluukkavut". Takorluukkatta oqaluttuarinerisugut neriuutigaarput suleqataalerusuttunik
takorluugaqartunillu pissarsiumaarluta, suliniaqatigiiffik, saqqummiussamini allappoq.

- Sumiiffitsinni inoqatinut inuiaqatigiinnullu allanngueqataarusussuseq takorluukkatut pingaarnertut pigalugu, aamma oqaatigineqarpoq.

Orniguttut amerlasuut

Kalaallit Røde Korsiata Nuummi immikkoortoqarfia illoqarfiit allat arfinillit attaveqarfigisimavai imalu allappoq:

  • Ilulissani kaffillerneq angusaqarfiulluarsimavoq suleqataarusuttulli sisamat atornikuerniarfimmut nalunaarsimallutik! TORRAK!
  • Maniitsumi 30-nik isertoqarsimavoq kaangerpassuarnillu sassaallerluni
  • Aasianni 70-it sinnillit ornigussimapput borgmesterinngorlaarlu tunissuteqariartorluni.
  • Nuummi suleqataarusuttut Nina Kreutzmannimut saaffiginnissinnaasimapput arlallillu soqutiginnissimallutik. Borgmesteri aamma alakkaavoq.
  • Sisimiuni alutornartumik INUA-mik suleqateqartoq kaffillernermi nuannasaaqatigiipput.
  • Qaqortoq – erinarsorfiullunilu nuannisaarfiugaatsiarsimavoq!!
  • Tasiilaq – immikkoortoqarfitsialapput –kajumittunit ornigarneqarluarpoq kaffillernermilu ikiuullutik!

Ataani kaffillerni assigiinngitsuni assit takukkit:

Powered by Labrador CMS