Kalaallit pingaarutilimmik ajugaareerlutik finalimut anngupput
Assammik arsarnermi Amerikap avannarlermiuisa Caribiamiullu pissartanngorniunneranniKalaallit Nunaat USA-mut ajugaareernermi kingorna pissartanngorniutivinnissamutunammisussanngorput.
Kalaallit arnartaasa assammik arsarnermi nunanut allanut unammisartui nunarsuarmi
pissartanngorniunnermut peqataanissamut suli periarfissaqarput.
Ataasinngormat kalaallit USA-mut unamminerminni 28-18-mik ajugaapput, taamaasillutik Amerikap avannarlermiuisa Caribiamiullu pissartanngorniunneranni pissartanngorniunnermi
unammisussanngorlutik.
Pissartanngorniunnermi unammissavaat Puerto Rico, pissartanngorniunnermi ajugaasoq
VM-imut decembarip qaammataani Spaniami ingerlanneqartussamut anngutissalluni.
Immikkoortup aappaani unammilluartut
USA-mut unamminermi immikkoortumi siullermi unammisut tamarmik pissangapput,
tassani kalaallit målimik ataasiinnarmik, 11-10-mik, siuaqqallutik..
Unamminerup immikkoortuisa aappaanni kalaallit unammilluarnerulerput, sukkanerusumik
unammilerlutik, USA-mi unammisartut malinnaasinnaajunnaarlutik. Lykke Frank Hansen
unamminermi qulingiluariarluni isertitsivoq, Anja Heilmann aamma Aviana Kajangmat
arfinilinnik tallimanillu isertitsisut.
Puerto Ricomut marloriarlutik unammissapput
Kalaallit nunanut allanut unammisartut Puerto Ricomut ullumi unammissapput. Taakku USA-mut Mexicomullu ajugaareerputtaaq. Mexicomut ataasinngormat unamminerminni 29-25-mik ajugaapput.
Kalaallit Nunaata Puerto Ricollu ullumi marlunngornermi unamminissaat pingaaruteqanngilaq tamarmik pissartanngorniunnissamut, pingasunngorpat
unammissutigineqartussamut anngutereermata.
Kalaallit Nunaata Puerto Ricollu ullumi marlunngornermi unamminerat Nunatta
nalunaaqutaa malillugu 20.00 aallartissaaq.