Skip to main content

Kalaallit orpiinik sinerissami tamani pisiassaqarnissaa neriuutaasoq

Kujataani aallartisaasut kalaallit orpiineersunit juullerpaluttunik kusassaatinik tunisat nunguissortut nalunaarutigaat. Amerlanerusunut tunineqarsinnaanissaat neriuutigineqarpoq

Sapaatip akunnerani kingullermi Sermitsiaq.AG-mit oqaluttuarineqarpoq, Narsarsuarmi orpeqarfiusumit juullip orpiinit kusassaatissanik tuniniaasoqartoq.

Taamatut suliniuteqarneq iluatsillualereersimammat, tunisineq aappaagu siammarterneqarniarpoq.

- Ukioq manna juullip orpiinik piniarnerput pingasoriaatinngorparput, Qaqortumi Brugsenimi pisortaq, Flemming Madsen oqarpoq.

- Naak ukioq manna siornarnit pingasoriaammik amerlanerusunik orpiminernik piniarnikuugaluarluta, taakku sukkasuumik nungunneqarput. Najukkami taamatut iliuuseqarneq tigulluarneqaqaaq.

Uummaanerusoq
Qaqortumi Brugseni aalajangerpoq Narsarsarsuup juullimut orpiminiutaat Danmarkimi aamma Europami orpiit pineqartartut akeqqatigalugit tuniniarneqassasut, tassa orpimineq kiilu ataaseq 30 koruunilerlugu.

Flemming Madsenip aamma nalunngilaa, Nunatsinneersuunerisa saniatigut sooq orpimernit tunisaalluarnersut.

- Danmarkimit piniartakkatsinnit pitsaanerusoq ersarissumik takuneqarsinnaavoq. Ilimagaara maani silap kissassusaa peqqutaasoq, taanna oqarpoq.

Pisiniarfinni amerlanerusuni tuniserusuttut
Pisiniarfimmi pisortap aamma qularutiginngilaa, orpiit sukkasuumik kangerlummit pisiniarfimmiilertarnerat uummaanerunerannut aamma peqqutaasoq.

Suliniuteqartut Kenneth Høegh aamma Vittus Nielsen peqatigalugit Brugseni, Narsami Piareersarfik aamma København Universitet ataatsimoorlutit juullip orpiinik pinnersaatinik tunisaqarput.

Flemming Hansenip aappaagumut angusaqarluarniarluni Sermitsiaq.AG-mut oqarpoq.

Nunguttoornissamik qunugisaqanngitsoq
- Ukiup taama ilinera piareersaaffigilluarnikuuarput, ingerlalluartorujussuuvoq.

- Kujataanit sinerissami Brugsenit tamaasa orpikkanik pinnersaatinik pilersorneqarnissaat mianersortumik neriuutigaarput.

Narsarsuarmimi orpeerutissagaluarpat qanoq iliussavisi?

- Maannakkumut tamanna ajornartorsiutaanaviarunanngilaq. Paasisakka malillugit orpiit suli amerlasoorpassuupput, Qaqortumi Brugsenip pisortaa oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER