Skip to main content

Kalaallit oqimaallutik inunngortut pualavallaalersinnaapput

Innuttaasut Peqqissusaannik Naalagaaffiup Ilisimatusarfiata, Statens Institut for Folkesundhed-ip, misissuinerata nutaap takutippaa kalaallit oqimaatsuullutik inunngortut inuunerminni kingorna pualavallaalersinnaasut

Kalaallit meerartaat, inunngornerminni oqimaappallaarsimasut, inuunerminni kingusinnerusukkut pualavallaalersinnaapput, meeqqanut inunngornerminni nalinginnaasumik oqimaassusilinnut sanilliullugit. Tamanna takuneqarsinnaavoq Innuttaasut Peqqissusaannik Naalagaaffiup Ilisimatusarfiata, Statens Institut for Folkesundhed-ip, SDU, aamma Steno Diabetes Center-ip misissuinerani nutaani.

Misissuinermi inunngortartut 10 procentii 4000 grammit sinnerlugit oqimaassuseqartarput, inunngornermilu taamatut oqimaassuseqarneq annertuvallaaqaaq.

Misissuinermi tunngaviupput kalaallit 1.473-it, tamakkua BMI-at, qiteqassusiat, orsoqassusiat nukeqassusiallu uuttortarneqartarsimallutik, kiisalu naavisa orsoqassusiat ultralydimik scannerinikkut uuttortarneqartarluni.

Pualavallaalernissamut oissutaasinnaapput BMI qaffasippallaartoq, orsoqarpallaarneq qitikkullu pualavallaarneq, akerlianillu erlaviit akornisigut orsortalqalersinnaaneq annikinnerulluni.

Misissuinerup inernerisa siusinnerusukkut misussuisimanerit uppernarsarpaat, tassa paasineqarnikuusimammat inunngornermi oqimaappallaaraanni inuunermi kingusinnerusukkut puallarpalaartoqalersinnaasoq.

Saluissuunngitsut

Tamannali peqatigalugu misissuinerup takutissimavaa kalaallit angutit, oqimaassutsimikkut inorlutik inunngortsimasut, erlavimmi akornisigut orsoqalernissaminnut ulorianartorsiornerusartut. Tamannalu pissutigalugu ´saluissuunngitsunngorsinnaapput´ (saluttut pualasuut), type 2-millu sukkortunngorsinnaallutik.

Oqaaseq "saluissuunngitsoq" isumaqarpoq sanigorsimarpaluttoqarsinnaasoq, orsoq ilumiut akornanni toqqoqqasoq, nalinginnaasumik oqimaassusillit orsui ammip ataani takuneqarsinnaasartut. Ilukkut orsut immikkut ulorianaatilittut oqaatigineqatrsinnaapput, tassa timip ilaatigut sukkunik arrortitsisarnera tamatumuuna sunniutaarussinnaammat, taamalu sukkornermik type 2-mik pilersitsinnaalluni.

Tamatuminnga ilisimatusarnermik ingerlatsisuusimapput Ph.d.-mik ilinniagaqartoq Pernille Falberg Rønn, Steno Diabetes Centerimeersoq, aamma professor Marit Erika Jørgensen, Statens Institut for Folkesund-imit, SDU-meersoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER