Skip to main content

Kalaallit Nunaat: Inuusuttut 18-iliineqanngitsut Modernamik kapitissinnaaleqqipput

Danmarkimi inuusuttut aqqaneq-marlunniik 17-it ilanngullugit ukiullit akiuussutissamik Modernamik neqeroorfigiteqqittalermata, nunatsinni akiuussutissalersuineq allanngornagu nangeqqinneqarpoq.

Nunatta Nakorsaaneqarfia pingasunngorneq 6. oktober aalajangerpoq inuusuttut 18-it inorlugit ukiullit Modernamik akiuussusersorneqarnerat unitsikkallarniarlugu.

Danmarkimili oqartussanit siunnersorneqareernerup kingorna, taamatullu nunarsuaq tamakkerlugu peqqinnissaq pillugu suliniaqatigiiffimmit WHO-mit, kiisalu Amerikami aamma Canadamilu peqqinnissaq pillugu oqartussanit paasissutissanik pissarsereernerup kingorna, nunatta nakorsaaneqarfiata akiuussutissalersuineq allanngortinnagu nangeqqippaa.

Tamanna isumaqarpoq meeqqat inuussuttullu aqqaneq-marlunniik 17-it ilanngullugit ukiullit Modernamik akiuussutissalerneqaqqissinnaalersut.

- Akiuussutissalernermi iluaqutissat amerlanerupput, akiuussutissalertinnermit qaqutigooraluartumik qisuariaatigineqartartunit. Covid-19-imik napparsimasimasut, Covid-19-imut akiuussutissalertinnerup kingorna assiganik qisuariaateqartarsinnaasut takuneqarsimavoq, nunatta nakorsaaneqarfia tusagassiorfinnut nalunaaruteqarluni ilisimatitsivoq.

Danmarkimi inuusuttut 18-it inorlugit ukiullit Modernamik akiuussutissalertinnissamut neqeroorfigineqarnerat aamma nangeqqinneqarsimavoq.

Sapaatip akunningajaa uninngatinneqarpoq

Inuusuttut 18-it ataallugit ukiullit Modernamik akiuussutissalersorneqarata unitsinneqarnera mianersornermit tunngaveqarpoq. Nunat avannarliit misissuinerminni inerniliussaasa siulliit ilagaat innuttaasut inuusunnerusut akiuussutissamik Modernamik kapitereernerup kingorna uummatip nukiitigut aseruuttoorsinnaanermut aarlerinaataat annikitsuarannguamik annertunerulersartoq.

Nunatsinni meeqqat inuusuttullu aqqaneq-marlunniik 17-it ilanngullugit ukiullit 3.000-it missaat Modernamik akiuussutissalertissimapput. Taakkunani ataaseq uummatip nukiisigut aseruuttoornermik ulorianaarteqanngitsumilli kingunerluuteqarsimasoq, nunatta nakorsaaneqarfiata ilisimatitsissutigaa. Taama kingunerluuteqartoq nakorsarneqarnissamik pisariaqartitsileranilu peqqissisimavoq.

Innuttaasut 7.000-t suli kapitinngillat

Nunatta nakorsaaneqarfiata ilisimatitsissutigaa innuttaasut 7.000-it kapitinnissamut neqeroorummik suli tigusisimanngitsut. Tassa innuttaasut aqqaneq-marluleereersimasut 15 procentii.

- Kalaallit Nunaanni innuttaasut 3.500-t Covid-19-imut akiuussusertillutik siullermeerlutik kapitissimasut suli aappassaanik kapitissimanngillat. Taakku taamaasillutik suli akiuussusersimanngillat, Henrik L. Hansen nassuiaavoq.

- Kalaallit Nunaat, nunat allat assigalugit Covid-19-imit suli unammillerneqartussaavoq. Ukioq pitsaasumik anigussagutsigu kapitissinnaasut tamarmik piaartumik kapitinnissaannik kaammattorpagut, oqaatigineqarpoq.

Akiuussutissamik kapitinnissamut periarfissat nunatta nakorsaaneqarfiata nittartagaani atuarneqarsinnaapput.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER