Kalaallit Nunaata silaannartaani peqqissaaneq
Peqqinnissaqarfiup Falck suleqatigalugu dronit illoqarfinnut nunaqarfinnullu atornissaat misilerarsimavaa.
- Anguniagaq naammassivoq.
Taama oqaaseqartoqarpoq dronerujussuup Tuulliup Kalaallit Nunaata silaannartaani angalaqqaarneq iluatsimmagu. Tallimanngormat Dronning Ingridip peqqissaavianit Kapisilinnut aallartinneqarpoq. Droni Kalaallit Nunaanni siunissami ungasianiit nakorsiartitsinermi pingaaruteqalersinnaavoq.
Aviisi AG taama allappoq.
Pilersuinermi aqqutit isorartunerujussuisigut Peqqinnsisaqarfik ilungersunartorsiorpoq, sineriammi napparsimasunut nakorsaatinik pingaarutilinnik pilersuinermi qulimiguullit umiatsialluunniit atortariaqartarlutigit. Droni atorlugu sukkanerusumik annguttoqarsinnaavoq illoqarfinni nunaqarfinnilu inuunermik annaassilluta – imaluunniit nappaateqartup uninngasariaqarnera sivikillillugu. Danmark isiginiarsimavarput, tassani Odense Universitet Hospital OUH dronimik atuilereersimalluni, Fynimiit Ærmut aammik misissugassat nakorsaatilluunniit assartorlugit.
Imaatigut aqqut
Droni Tuullik sapaatip-akunnerani qaangiuttumi misilerarneqarpoq iluatsittumik. 152 meterinik qutsitsigisumi timmivoq aqqut 100 kilometeriusoq uterlugulu. Droni 50 kilonik oqimaassuseqarpoq suluisa isuaniit isuanut 5 meteriulluni 5 kilo angullugu assartorsinnaallugu. Tyrkiami sanaajuvoq, teknikkitaa Irlandimi piorsarneqarsimalluni, Danmarkilu Falckimit attartugaalluni – maannalu Kalaallit Nunaanni misilerarneqarpoq, qaammataasakkut Mexicomit aqunneqarluni.
Misiliilluni timmisartorneq peqqinnissaqarfimmit sulisunit Issittumilu Sakkutooqarfimmit, politiinit qatserisartunillu alaatsinaanneqarpoq, Nuummilu AFIS-imit akuersissuteqarluni Tuullik qummuinnaq aallarpoq aallaqqaammut Kitsissut qulaatigut kaaveriarluni Kapisilinnut aallarluni imaatigut aqqutip nalaatigut.
Aviisimi AG-mi atuarnerusinnaavutit. Aviisi uani pissarsiariuk: