assammik arsaanneq
Kalaallit Nunaata danskit U-21-it nunanu allanut unammisartui unammeqqissavaat
Nunatsinni angutit assammik arsaallutik unammisartuisa danskit U-21-ni nunanut allanut unammiusartui ukioq manna unammeqqissavaat. Taakku juunip qaammataani pingasoriarlutik unammissapput.
Tamanna ileqqunngoriartorsimavoq danskimmi U21-it nunanut unammisartui EM-imut VM-mulli piareersalutik ukioq manna aamma Nunatsinnut unammiartoqqissapput.
Holdi inerisarneqartoq
Taakku juunip qaammataani Nunatsinnut tikissapput tassani Nunatsinni angutit inersimasut nunanut allanut unammisartui unammissavaat.
Atuaruk: Assit takukkit: Assammik arsaalluni pissartanngorniunneq aallarteruttorpoq
- Nuannaarutigaarput, Danmarkip juunip qaammataani sungiusaataasumik unamminissamut akuersisimanerat. PANAM pissartanngorniuttoqarnissaanummi holdi inerikkiartortipparpu, nunanut allanut sungiusaasoq Niels Møller oqarpoq, nangillunilu:
- Danskit U-21 unammisartui unammilluartarpavut, aammalu holdip ineritikkiartornissaanut unamminissat pingaaruteqarput PANAM-imut pissartanngorniutivinnissamut juunip qaammataani 2018-mi ingerlanneqartussami. Qilanaarutigaara neriuutigalugu Nuup Timersortarfiani Inussivimmilu tapersersuisoqarluarumaarnissaa.
Atuaruk: Nukappissat assammik arsaannermik pissartanngorniutivinneranni inernerit takukkit
Ullut unammiffissat
Danskit U-21-it tikeraarnerani unamminissamut pilersaarutit aalajangerneqareersimapput, unamminerillu pingasut ima isikkoqassapput:
- Sisamanngorneq 15. juni nal. 20.00 Nuup Timersortarfiani
- Arfininngorneq 17. juni nal. 16.00 Inussivimmi
- Sapaat 18. juni nal. 16.00 Inussivimmi