Skip to main content

Kalaallit Nunaata Ammeriviata kemikalianik atuisarnera avatangiisinut mingutsitsisoq

Puisit amiinik suliaqarnermi krom imaanut aniatinneqartarpoq

Qaqortumi Kalaallit Nunaata Ammerivia amernik piareersaalluni suliaqaraangat avatangiisit innarlerneqartarput.

Sofia Geislerip (IA) §37 naapertorlugu apeqqutaanut akissummi tamanna takuneqarsinnaavoq.

IA-politikerip apeqqutigisimavaa, Naalakkersuisut " Kalaallit Nunaata Ammeriviani amernik suliaqarnermi kemikalianik atuisarnerup suliffeqarfiup avataanut akornutaannginnera uppernarsarsinnaaneraat".

- Naamik, Naalakkersuisut uppemarsarsinnaanngilaat, kemikalianik atuinerup kingunerisaanik suliffeqarfiup eqqaani avatangiisianut akomutaanera, Kim Kielsen (S) pinngortitamut avatangiisinullu naalakkersuisutut atuuttoq akissuteqarluni allappoq.

Sofia Geislerip ilanngullugu apeqqutigaa, avatangiisinut aniatitsisoqartarsimappat avatangiisinut akornusiisinnaanera qanoq nakkutigineqarnersoq.

- Avatangiisinut akuersissutaasimasumi Namminersornerullutik Oqartussat nalunaarutaat nr. Il, 20. august 2004-meersoq Suliffeqarfiit mingutsitsivallaartut il. il. avatangiisinut tunngatillugu akuersissuteqarfigineqartarnerat pillugu naapertorlugu, suliffeqarfik ingerlatsinernut allattaavinnik, ukiumoortumik Pinngortitamut Avatangiisinullu Naalakkersuisoqarfimmut, nakkutilliinerni oqartussaasuusumut nassiunneqartartussanik suliaqartassasoq piumasaqataasoq, akissutigineqartoq taamatut allassimavoq.

- Tamatuma saniatigut suliffeqarfik nakkutilliinernut oqartussaasut piumasaqarnerisigut silaannannik mingutsitsinernik, tipiliornernik nipiliornernillu uuttortaalluni misissuisassaaq. Krom, imaanut kuutsinneqartoq erngup annertussusianik uuttortaanikkut, misissugassanik tigusisarnikkut krom-eqassutsimillu misissueqqissaarnikkut misissuiffigineqartassaaq. Tamatuma saniatigut Pinngortitamut Avatangiisinullu Naalakkersuisoqarfik suliffeqarfimmik nakkutilliisuussaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER