Kalaallit Nunaata ajorsafigisai Danmarkimut VM-imi unammissapput
Assammik arsarluni nunarsuarmi pissartanngorniunnerit ullumi aallartissapput. Danmarkip Chile unammissavaat ullumi sisamanngornermi
Annonse
Assammik arsaalluni Pan Amerikami pissartanngorniunnermi bronzinnanniuttoqarnerani Kalaallit Nunaata Chile unamminermi pissanganartumi ajorsarfigaat juunip 24-ani ukioq kingulleq.
Unamminermi ilaatigut Minik Dahl Høegh unamminermut piffissaliunneqartup naammassiliivinnerani isertitsivoq, unamminerli sivitsorneqareernerani Chile 36-39-mik ajugaavoq.
Chile nunarsuarmi pissartanngorniunnermi ullumi unammeqqaassaaq, unamminermi tassani Danmark unammissallugit. Pan Am-imi bronzinnanniunnermi kalaallit ajugaasimasuuppata Danmark ullumi unammisimassagaluarpaat.
Danmarkip aamma Chilep unamminerat nalunaaqutaq 16.15 aallartissaaq. Assammik arsaalluni nunarsuarmi pissartanngorniunneq januaarip 27-ata tungaanut ingerlanneqassaaq.