Skip to main content

Kalaallit Nunaat torrak! Tulliani Montevideo-mut

Kalaallit Nunaat, Cuba, USA aamma Mexico Amerikap Nunavissuani pissartanngorniunnissamut anngupput

Kalaalllit angutit assammik arsartartut naluneqanngitsutut Amerikap Nunavissuani pissartanngorniunnissamut anngunniunnermi ajugaaffigineqaratik ajugaasut, sapaatiummat Mexico City-mit aallarput.
Pilersaarutit malillugut ataasinngornermi ualikkut kingusissukkut Danmarkimut tikissapput, amerlanerpaallu - unammisartoqatigiinnit 15-init 11-it ulluinnarni Nunatsinni unammisartut - marlunngorpat ullaakkut angerlamut Nunatsinnut ingerlaqqissapput.
Mexico-p illoqarfiisa pingaarnersaanni anngunniulluni unammiuaarnerup ulluani kingullermi, arfininngormat, unamminerit marluk ingerlanneqarput, taakkunanilu Cuba-p Puerto Rico 30-26-mik ajugaaffigaa, USA-llu Mexico 29-20-mik ajorsartingaatsiarlugu.
TDaamaasilluni Amerikap Nunavissuani pissartanngorniunnissamut, Uruguay-mi Montevideo-mi juunip 22-annit 29-annut ingerlanneqartussami, Kalaallit Nunaat, Cuba, USA aamma Mexico annguppuyt.
Nunat taakkua sisamat saniatigut Guatemala aamma Uruguay anngunnikuupput, kingulliillu sisamat ullut 14-it qaangiuppata Chilemi anngunniunnermi nassaarineqassapput.
Amerikap Nunavissuani pissartanngorniunnermi angusarissaarnerpaat pingasut 2015-imi januaarimi Qatar-imi VM-eqarnissaanut anngutissapput.
Unamminerit kingulliit ingerlanneqarnerisa kingorna præmianik tunniussisoqarpoq, kalaallit kuultinnallutik, pokal-innallutik isiginnaartunillu ersaartaanneqarlutik.

Mexico Citymi anngunniunneq imatut inerneqarpoq:
                                          Unamminerit     Isertitat     Pointit

Kalaallit Nunaat                             4             131-107           8
Cuba                                            4             109-93             6
USA                                             4             100-97             4
Mexico                                         4               98-112           2
Puerto Rico                                  4              102-131           0
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER