Kalaallit Nunaat Tivolimi: KNI nunatsinneersunik tuniniaasoq

- Nagguteeqqat, Araba KGH-llu kaffilivii qangarnisaarpalaartut Danmarkimi tunisaalluarput, KNI A/S-imi ussassaarinermut pisortaq Anders Stenbakken Tivolimi tuniniaaviutilik oqarpoq.

KNI Kalaallit Nunaanni nunaqarfinnut pilersuisoq Københavnip qeqqaniileriataarnera eqqumiissinnaavoq, nassuiaatissartaqarporli.

- Der er 18.000 grønlændere i Danmark, så det er nu naturligt nok. Når man er i udlandet, bliver længslen efter hjemstavnen større - og det kan vi så hjælpe med. Araba og skibskiks er gode eksempler på varer, som vi sælger her i Tivoli, men mange af vore retroprodukter sælger også godt. – Danmarkimi kalaallit 18.000-iupput, taamaammat nalinginnaasuuvoq. Nunami allamiikkaanni nunagisamiit perusutat amerlanerusarput – tassani ikiuussinnaavugut. Araba nagguteeqqallu assersuutit pitsaasut ilagaat Tivolimilu tuniniakkagut, tunisassiagullu qangarnisaarpalaartut amerlasuut tunisaalluarput.

Pisiassat qangarnisaarpalaartut

Immikkoortitikkani angutinut arnanullu oqorutit qalii suugartallit ulullillu, KGH-p plakatii qangarnisarpalaartut, tujuuluaqqat “I love mattak”-mik allaqqasullit minnerunngitsumillu kalaallit kravlenissiutaat pissarsiarineqarsinnaapput.

Tunisassiat KNI-p nutaami tunisassialiaaneersuupput ullutsinni mutinut qangarnisaarpalaartunut tulluuttut, ilutigalugu pilerfimminniit kalaalerpalaartut. Anders Stenbakkenip oqaatigaa KNI-p tunisassiassaa tulliuttoq tassaasoq kalaallit nallukattaatai, nallukattaatini kunngi, arnaq kinitsilu kalaallit atisaannik atussapput.

- Juukerilu tupilammik taarserneqassaaq – juukerituulli ikiorti ulorianarsisinnaavoq, ussassaarinermut pisortaq nassuiaavoq.

Tivolimi pisiniat Arabamik nagguteeqqanillu pisigaangamik aamma pisiaminnut angerlamut nammaffissaannik puussiarserusuttarput. KNI maannakkuugallartoq puussianik nunatsinni nunaqarfiit assitalinnik assigiinngitsunik sisamanik peqarpoq - pisiniallu soorunami nunaminniit puussiannassapput.