Arctic Winter Games
Kalaallit Nunaat timersuummi ataatsimi 12-inik kuultinnassinnaasoq
AWG-mi unammiuaartoqarnerani nerrivimmi arsaarartartut sisamanngornermi pissartanngorniutissapput, tassanilu Kalaallit Nunaat pisassaanngilaq
Nerrivimmi arsaarartartut nunanut allanut unammisartuinut kuultit - marluk pissarsiarineqareerput.
Aamma ullumikkut, sisamanngornermi, pissartanngorniunnerit kingulliit ingerlanneqassapput. Tassanilu Kalaallit Nunaat qulinik immaqalu aqqaneq-marlunnik kuultinik ujaminnassaaq.
Atuaruk: Nerrivimmi arsaarartartut sungiusaasuat medaaliannaqattaarnissamik naatsorsuuteqartoq
Marlukkaarnermi kalaallit ajugaasut
Maannamut marlukkaartuni nukarliit kuultinnareersimalerput.
Unammisartut taakku Nuka-Maren Frederiksen aamma Avi Rødgaard - tamarmik 14-inik ukiullit - aamma Oscar Hammeken taavalu Pavia Jerimiassen 15-nik aamma 13-inik ukioqartut.
Alaskamut unammilluartoq
Nalunaaqutaq ataatsimut pissartanngorniunnerit tullii GU-p timersortarfeeraani aallartissapput, aamma pingasunut pissartanngorniunnerit kingulliit isiginnaarneqarsinnaapput.
Atuaruk: Siunissami neriunaatillit takutitsilluartut
Nunatta nerrivimmi arsaarartarnermi neriunaatilittaat siulleq: Ivik Nielsen sisamanngornermi ullaap tungaani pissartanngorniutivinnissamut anngunniunnermi annertuumik alaskameersumut ajugaavoq, taanna unamminarnissaa sungiusaasup ilimagisimagaluarpaa.
Ivik imminut tatigisoq
Unammisartorlu inuusuttoq oqaloqatigigaanni imminut tatiginera malugineqarsinnaavoq, taassuma nalunaaqutaq ataatsimut Poul Petersen pissartanngorniutivinnermi unammissavaa, taanna aamma kalaaliuvoq.
Pissartanngorniunnermi kina akornassinni ajugaassangatippiuk?
- Uanga, marluulluta akornatsinni uanga pitsaanerugama, Ivik Nielsen Sermitsiaq.AG-mut oqarpoq.
AWG-mit nutaarsiassat kingulliit:
AWG-mut angalasut suli ingerlariaqqinngitsut
Arctic Winter Gamesimi unamminissarpassuit
Kalaallit pingasunngornermi ujaminnalluartut