Skip to main content

Kalaallit Nunaat, Savalimmiut Danmarkilu pillugit filminut 10 millionit

Aningaasat agguagassat nutaat 2019-imi naalagaaffeqatigiinneq pillugu filmilianut aamma tv-ikkut aallakaatitassianut atorneqassapput.

Kalaallit Nunaata, Savalimmiut aamma Danmarkip akornanni ilisimasaqaqatigiinneq filmilianut aningaasanik agguaassassanik nukittorsarneqassaaq.

Danskit 2019-imut aningaasanut inatsisaanni naalagaaffeqatigiinneq pillugu filminik piviusulersaarusianut tapiissutissanik 8 millionit koruuninik immikkoortitsisoqarpoq. Licensinut aningaasaliissutit sinneqartoorutaasunit suli aamma 2 millioninik immikkoortitsisoqarpoq, taamaalilluni aningaasat agguaassassat 10 millionit koruuniulerput.

- Norddok agguagassanik ingammik Kalaallit Nunaanni aamma Savalimmiuni filmiliortartut maanna oqaluttuanik misigisartakkatsinnit immaqa allaanerusunik sammivilinnik immiussinissamut aamma saqqummiussinissamut periarfissaginnerulerput, Claus Ladegaard, Det Danske Filminstitutimi pisortaq tusagassiuutinut nalunaarummi taama oqarpoq.

- Suliniut immitsinnut ilisimanninnerulersitsisinnaavoq ataatsimoornerlu nukittortillugu, aamma Kalaallit Nunaanni Savalimmiuniillu oqaluttuanik amerlanerusunik aallariarfimmik pilersitsisinnaanissaa neriuutiginarpoq.

Suliamik ilisimasalinnik aaqqissuisoqarfimmik Kalaallit Nunaanneersunik marlunnik, Savalimmiuneersunik marlunnik aamma Danmarkimeersumik ataatsimik maanna toqqaasoqaleruttorpoq, taakku aningaasaliissutinut qinnuteqaatinut aalajangiisuusassapput.

Qinnuteqartut tv-liornermik ingerlataqartuusinnaapput aamma Savalimmiunit, Kalaallit Nunaannit imaluunniit Danmarkimit attuumassuteqanngitsumik filmiliortartut. Qallunaat qinnuteqartut kalaallimik imaluunniit savalimmiuneersumik suliniummik filmiliortumik peqataatitsisoqartariaqarpoq. Det Danske Filminstitutip aningaasat agguaassassat ingerlatarai, aaqqissuisoqarfillu suliamik ilisimasalinnik tapertaaffigisassallugu.

Qinnuteqarnissamut killigititat ukuupput:

Suliniummik ineriartortitsinermut: 1. juni 2019
Immiussunermut tapiissutit: 1. november 2019

Qinnuteqaatit Det Danske Filminstitutimut tunniunneqassapput

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER