Skip to main content

Kalaallit Nunaat qimallugu pisariaqanngitsumik angalanerit innersuussutigineqanngillat

COVID-19-ip Danmarkimi tuniluunneruleriartuinnarpoq. Namminersorlutik Oqartussat maanna kaammattuuteqarput Kalaallit Nunaannut Kalaallit Nunaanniillu nunanut allanut angalanerit pisariaqanngitsut unitseqqullugit.

Danmarkimi coronavirus tunillaassorneruleriartorpoq. Danmarkimi ulloq unnuarlu ataaseq kingulleq inuit 559-it tunillatsissimasut nalunaarutigineqarpoq.

Namminersorlutik Oqartussat taamaammat kaammattuuteqarput pisariaqanngitsumik nunanut allanut angalanerit nunanit allaniillu nunatsinnut angalanerit unitseqqullugit.

Danskit kommuniinit, inuit 100.000-iugaangata inunnik 30-nik nutaamik tunillatsissimasoqarfiusumit nunatsinnut tikittussanut Namminersorlutik Oqartussat tallimanngormat tusagassiortunik katersortitsinerminni kaammattuuteqarput angalasut tikinnermit ullut tallimat qaangiunnerini misissorteqqittassasut aamma COVID-19-imik tunillatsissimanissap uppernarsarneqarsinnaalernissaata tungaanut inunnut qanillinaveersaassasut.

Angalanerit pisariaqanngitsut unitsissigit

COVID-19 nunatsinnut angalasut aqqutigalugit Kalaallit Nunaannut tikittussaavoq, aammalu piffissap angalanerpaaffiusup qaangiunnerani innuttaasut Kalaallit Nunaanni najugallit, sulinerminnut atatillugu sulinngiffeqarlutilluunniit angalasimasut tikittarput.

Taamaattumik maanna suliffeqarfiit, oqartussaasut innuttaasullu pisariaqanngitsumik angalassanngitsut Namminersorlutik Oqartussanit innassutigineqarpoq.

Pisariaqanngitsumik angalanerit tassaapput:

  • Sulinngiffeqarnermut atatillugu angalanerit
  • Sulinermut atatillugu angalanerit pisariaqarluinnanngitsut
  • Sulinermut atatillugu angalanerit, siunertaasumik oqarasuaatikkut imaluunniit videokkut ataatsimeeqateqarnikkut naammassineqarsinnaasut

Angalanissamik aalajangiinissaq innuttaasut, suliffeqarfiit oqartussaasullu ataasiakkaat aalajangigassaraat.

Nunatsinnut tikittartut pillugit nalunaarusiaq nutaaq maanna suliarineqarpoq.

- Tikinnermi angerlarsimaannartarnerup misissorteqqittarnerullu atuutsinneqaqqilernissaat eqqarsaatigineqarpoq. Nalunaarutip sapaatit akunnerata tulliani saqqummiunneqarsinnaanissaa naatsorsuutigineqarpoq, tusagassiorfinnut nalunaarummi allassimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER