Skip to main content

Kalaallit Nunaat pillugu atuakkiat atuakkanik atorniartarfinni nuannarineqarluartut

Atuakkiortut danskiusut marluk atuakkiortarnerminni Kalaallit Nunaat sammilluartarsimavaat, taakku 2020-mi atuakkanik atorniartarfimmiititsinerminni katillugit 400.000 koruuninik akissarsitinneqarsimapput.

Slots- og Kulturstyrelsenip danskit atuakkiortut atuakkanik atorniartarfimmiititsinerminni qanoq aningaasarsiaqartinneqarsimanersut tamanut saqqummiuteqammerpaa. Aningaasat katillugit 182,9 millioner koruuniusut atuakkiortunut 10.313-inut agguaanneqarsimapput – taakkununnga ilaallutik Kim Leine aamma Mads Peder Nordbo.

Atuakkiortoq Kim Leine, ilaatigut ”Profeterne i Evighedsfjorden”-imik atuakkiorsimasoq 294.002,31 koruuninik aningaasarsitinneqarsimavoq, Mads Peder Nordbolu ilaatigut kalaaleq pillugu nangeqattaartuliamik ”Kvinden med dødsmasken”-imik atuakkiorsimasoq 105.054,92 koruuninik aningaasarsitinneqarsimalluni.

Atuakkiortut nuannarineqarluartut

Agguaqatigiissillugit 17.737 koruuninik agguaassisimaneq qiviassagaanni, atuakkiortut siuliani pineqartut marluk nuannarineqarluarnerat takuneqarsinnaavoq.

Atuakkiortunit ukioq manna aningaasarsitinneqarnerpaasimavoq meeqqanut inuusuttunullu atuakkiortartoq Bjarne Reuter, taanna 720.117 koruuninik aningaasarsitinneqarsimasoq, Slots- og Kulturstyrelsenip allattorsimaffiutaani allassimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER